1 هَاذَا نْسَبْ يَسُوعْ المَسِيحْ وِلْدْ دَاوِدْ وِلْدْ إِبْرَاهِيمْ:

17 وهَكَّا نَلْقَاوْ 14 جِيلْ مِنْ إِبْرَاهِيمْ حَتَّى لْدَاوِدْ، و14 جِيلْ مِنْ دَاوِدْ حَتَّى لِينْ تِسْبَاوْ اليْهُودْ لْبَابِلْ، و14 جِيلْ مِلِّي تِسْبَاوْ حَتَّى لِينْ جَاء المَسِيحْ.

18 وهَاوْ كِيفَاشْ تُولِدْ يَسُوعْ المَسِيحْ: كَانِتْ أُمُّو مَرْيِمْ مَخْطُوبَة لْرَاجِلْ إِسْمُو يُوسِفْ. وقْبَلْ مَا يْعَرْسُوا، ظْهُرْ الِّي هِيَّ حِبْلَى بْقُوِّةْ الرُّوحْ القُدُسْ. 19 وعْلَى خَاطِرْ يُوسِفْ كَانْ رَاجِلْ صَالَحْ، قَرِّرْ يِبْعِدْ عْلِيهَا فِي السِّرْ، مِنْ غِيرْ مَا يِفْضَحْهَا. 20 وهُوَّ مَزَّالْ يْخَمِّمْ فِي الحْكَايَة، ظْهُرْلُو مَلَاكْ مِنْ عَنْدْ الرَّبْ فِي المْنَامْ، وقَالُّو: «يَا يُوسِفْ وِلْدْ دَاوِدْ، مَا تْخَافِشْ إِنِّكْ تْعَرِّسْ بْمَرْيِمْ، عْلَى خَاطِرْ الِّي حِبْلَى بِيهْ هُوَّ مِالرُّوحْ القُدُسْ. 21 وبِشْ تْجِيبْ وْلَيِّدْ، وإِنْتِ تْسَمِّيهْ يَسُوعْ، عْلَى خَاطْرُو بِشْ يْنَجِّي شَعْبُو مِنْ ذْنُوبْهُمْ». 22 وهَاذَا الكُلْ صَارْ بَاشْ يِتْحَقَّقْ الِّي قَالُو الرَّبْ عْلَى طْرِيقْ النَّبِيْ:

24 ووَقْتِلِّي فَاقْ يُوسِفْ مِالنُّومْ، عْمَلْ كِيمَا قَالُّو المَلَاكْ، ورَوَّحْ بْمَرْتُو لْدَارُو، 25 آمَا مَا مَسْهَاشْ حَتَّى لِينْ جَابِتْ الطْفُلْ، وسَمَّاهْ يَسُوعْ.