1 Chon Israel repwe apasa, “Are ewe Samol mi Lapalap esap nom rech,

2 are ewe Samol mi Lapalap esap nom rech,

lupwen aramas ra maun ngenikich,

3 repwe oromanauekichela

lon ar song mi watte ngenikich.

4 Iwe, ewe lölö epwe pwölükichela,

ewe öütöüt epwe purikichela,

5 nge nonoon ekewe koluk repwe pwölükichela.

6 Sipwe mwareiti ewe Samol mi Lapalap,

pun esap mwüt ngeni chon oputakich pwe repwe arosakichela.

7 Sa tiwela usun eman machang a tiwela seni ewe sär, ewe chon sär a soni.

Ewe sär a mwü, nge kich sa tiwela.

8 Alilisich a feito seni ewe Samol mi Lapalap,

ewe mi föri läng me fanüfan.