1 Aghe Lord, ara subo na ghagua na levunimate;

mara subo ghua tara tughuru pungisiu.

2 Ara subo lee ghua tara bosa mara ghaghua:

A God ke mua ghoi tangomana na hangaana!”

3 Mi ghoe ghe Lord, a nigua na tako te pilupilu,

ma nigua na lada itatana gaia te ghaedatoa na ulugu tana oka.

4 Inau tu tangi vania Lord,

ma gaia te bosa tughu vaniu mai ta nina ghotu te tabu.

5 Inau tu koli horu, mu tu maturu.

Mu rarai mai tana maboagu;

na pukuna Lord te righitaoniu.

6 Inau tu mua mataghunira

ara hangavulu na togha ni levunimate,

tara sama talighutiu.

7 Tughuru ghe Lord!

Mo ko vavolau, a nigua na God!

Tapoi na ngara dira gaira udolu na ghagua na levunimate;

mo ko karatai na livo dira tara tangotangodika.

8 Na laga vule te va mai itamua ghe Lord:

Lubatia nimua na vauto ke kabu itadira a nimua na vure.