1 Ghe Lord, nimami na Lord,

puku ni maana, na ahamu te vonughia na maramana!

Mana lada mu te haba dato vulea na parako.

2 Ighoe to taraira na lei gari pile,

mana lei meomeo,

ge kara bosai puku ni holohaba.

Ma gaira kara talu betora ghamua na levunimate,

tara kenea na lavitughuamu/toroamu. 3 Mi tana bona inau tu reitada tana parako te bongi,

ge ku righia na lutu ni gigirimu-tana vula

mana lei veitughu tana sopa malani to talui ga.

4 Na hava vaho tua na mete vaghana

to ghanaghana dilaa vanighai tai huli vinahi

te manana ge ko righitaonighai?

5 Na pukuna ighoe to gonighai pile kikia vamua isarana God,

mo pitiulumami nia na lada mana rongoragha.

6 Ighoe to talughai ge kai righitaonighi na lei totobo to gonighi,

mo vaheghai na maana vulera na lei totobo soko.

7 Na sheep mana buluka,

maia ghua na lei bolo matamata.

8 Na manu tana oka, mana igha tana tahi,

mana lei totobo vola tara olo’olo kolili tana harara oka.

9 Ghe Lord, nimami na Lord puku ni maana,

na ahamu te vonughia na maramana!