1 God, ighoe dida na laga mana vola,

Mo gonidilaa haia na hangada tana bona ni gunaguna.

2 Keri ke, ma ka mua ghoi mataghu,

sakai ghua manaa na anu ke mai

mana lei ghotu kara tavuti kehara

ma kara tumu horu tana tahi.

3 Talana na lei ghotu kara kahikahi

te vagha na beti te voghuvoghua te tave.

4 Na betitina te nia hevei na rivurivu tana komuna dida na God

Na komu tabu nina na puku ni haba.

5 God, heghena vamua te ghaha itatana komu vaghana keri;

Ke mua ghoi tangomana tua na durake.

God ke pilupilua tana taporasana na dani.

6 Na lei vure tara ngingili laga,

mana lei kinakabu soko kara havukaghi kolili!

God ni viviha ke nia hevei mai na viviha

mana maramana ke obo keha!

7 A Lord puku ni maana te kabu ighobuda,

Na God ni Israel gaia dida na pilupilu/vatu ngasi

8 Kau mai, ma kau righia nina lei lutu nina Lord te rongoragha

Ma kau righia ivei te vagha na laviana mai tana maramana na mana ni durake

9 Mana betoana na lei sura tana maramana udolu.

Agaia te gotia na baghe mana tinabe te sodui ge e rua.

Me Kerea na tako tana lake.

10 Kabu todore, ma kau ghilala Inau a God!

Na lei kema soko kara talumavau Inau.

Na maramana udolu ke talumavau Inau.

11 A Lord puku ni maana te kabu ighobuda

Na God ni Israel gaia dida na pilupilu/ vatungasi