1 Hurywete Tupàn Tuweharupi Wiko Ma'e wi ukyze ma'e a'e,

Hemimutar rupi wiko ma'e a'e.

2 Aze ereiko izàwe nehe, neremimono'og ràm uhyk putar newe nehe.

Nerurywete putar nehe no.

Ikatu ma'e uzeapo putar newe nehe.

3 Nereko haw pe neremireko wiko putar uwà 'yw i'a tetea'u ma'e ài newe nehe.

Nera'yr nuzawy kwaw uri tyw ipyahu ma'e ywyrapew nemai'u mehe har izywyr wà nehe.

4 Tupàn Tuweharupi Wiko Ma'e wi ukyze ma'e

Wiko putar nezewe azeharomoete nehe, ze'egatu ipyhyk pà nehe.

5 Tuwe Tupàn Tuweharupi Wiko Ma'e Xiàw ywytyr rehe har

Umur uze'egatu nerehe nehe.

Tuwe ne'ar nànàn erexak Zeruzarez ikàg wera'u haw nehe no.

6 Tuwe erexak neremimino ne wà nehe.

Tuwe zeàmàtyry'ym 'ymaw teko Izaew izuapyapyr wanehe tuz a'e nehe.