૧ હે ઈશ્વર, મારો બચાવ કરો!

હે યહોવાહ, ઉતાવળ કરીને મને સહાય કરો.

૨ જેઓ મારો પ્રાણ લેવા ઇચ્છે છે,

તેઓ નિરાશ થાઓ અને આકુળવ્યાકુળ થઈ જાઓ;

જેઓ મારું અનિષ્ટ ઇચ્છે છે,

તેઓ પાછા પડો અને અપમાનિત થાઓ.

૩ જેઓ કહે છે કે, “આહા, આહા,”

તેઓ પોતાના અપમાનને કારણે પાછા હઠો.

૪ તમારા શોધાનારાઓ હરખાઓ અને તમારામાં આનંદ કરો;

જેઓ તમારા દ્વારા મળતા ઉદ્ધાર પર પ્રેમ કરે છે તેઓ પોકારીને કહો કે,

“ઈશ્વર મોટા મનાઓ.”

૫ પણ હું તો દીન તથા દરિદ્રી છું;

હે ઈશ્વર, મારી પાસે ઉતાવળથી આવો;

તમે મારા સહાયકારી તથા મને છોડાવનાર છો.

હે યહોવાહ, વિલંબ ન કરો.