૧ નગરનો પાયો પવિત્ર પર્વત પર સ્થાપેલો છે.

૨ યાકૂબના સર્વ તંબુઓ કરતાં,

સિયોનના દરવાજાઓ યહોવાહને વધુ પ્રિય છે.

૩ હે ઈશ્વરના નગર, તારા વિષે ગૌરવની વાતો કહેવાય છે.

૪ હું મારા અનુયાયીઓમાં રાહાબ તથા બાબિલનો ઉલ્લેખ કરું છું.

જુઓ, ત્યાં પલિસ્તી અને તૂર, કૂશ સાથે છે.

આનો જન્મ ત્યાં થયો હતો.

૫ વળી સિયોન વિષે કહેવાશે કે, “દરેકનો સિયોનમાં જન્મ થયો;

અને પરાત્પર પોતે તેને સ્થિર રાખશે.”

૬ યહોવાહ લોકોને નોંધશે ત્યારે તે ગણશે કે,

“આનો જન્મ ત્યાં થયો.”

૭ વળી સર્વ ગાનારાઓ તથા નાચનારાઓ કહેશે,

“મારા સર્વ ઝરાઓ તમારામાં છે.”