1 O KEBU, ni ubaebicnagoc emu keme kemeau isoc kecma kpacguduae. 2 Kebu, ge enacudumenna negemma kedzac kpena. Kpesi kpesina gearu hade.

3 O KEBU, ge kopocsicnina kicgau arenggema negenna febacfu ngic mongngo serima naric mi kecbac. 4 Nga gearu sifu kopocsic wawa fedeac eweheiheigoc hoanggubesonga.

5 Ni KEBUAC tomai kecduae. Ubaonganango tomai kefu ni yeac yoac negensikecma fora fingerudeac tomai kecduae. 6 Tofocnacgareng yeneng asoac haudeac tomai kecandae, ni yeni feracyunuma ubaonganango KEBUAC tomai kecduae. Ni yeac tomai kecduae amma monggoc ferahama tomai kecduae.

7  KEBUNGO yoac dedzege amma imoc modarude. O Israe, ge KEBU negensima fora fingerudeac tomai kecna. Yeng bummenunudacma ebicfunac mesinunuudeac kuc engena femide. 8 Israe areng yeni ngicngac ogofocngina memanganeyunuma kopocsicnginagoc anggec. Nga yennoc bummeyunuma manganameme fakanginaunac mesiyunuude.