20
20-küy •••• Israil xelqi Xuda Mesih qilghan padishahning ghelibisi üchün dua qilidu
1 Neghmichilerning béshigha tapshurulup oqulsun dep, Dawut yazghan küy: —
Külpetlik künde Perwerdigar sanga ijabet qilghay!
Yaqupning Xudasining nami séni égizde aman saqlighay!□ «Yaqupning Xudasining nami séni égizde aman saqlighay!» — «Yaqupning Xudasi» dégen mushu ibaride «Yaqup» hem hezriti Yaqupning özini hemde uningdin chiqqan Israil xelqinimu körsitidu.
2 U Öz muqeddes jayidin sanga medet ewetkey,
Ziondin sanga küch-quwwet bergey;
3 Barliq «ashliq hediye»liringni yad qilghay,
Köydürme qurbanliqingni qobul qilghay!
Sélah!
4 Könglüngdiki teshnaliqlarni sanga ata qilghay,
Könglüngge pükken barliq arzuliringni emelge ashurghay.
5 Bizler ghelibengni tebriklep tentene qilimiz,
Xudayimizning namida tughlirimizni tikleymiz;
Perwerdigar barliq telepliringni emelge ashurghay!
6 Hazir bildimki, Perwerdigar Özi mesih qilghinini qutquzidu;
Muqeddes ershliridin uninggha qudretlik qutquzghuchi qolini uzartip jawab béridu.□ «Perwerdigar Özi mesih qilghini» — yeni Israilning padishahi; mushu yerde Dawutni körsitidu. Biraq shübhisizki, bu küy bir bésharet bolup, kelgüsidiki Qutquzghuchi-Mesihnimu körsitidu. 2-küydiki izahatlarni we «Tebirler»nimu körüng.
7 Beziler jeng harwilirigha,
Beziler atlargha tayinidu;
Biraq biz bolsaq Perwerdigar Xudayimizning namini yad étimiz;
8 Ular tizi püklinip yiqildi;
Biraq biz bolsaq, qeddimizni ruslap tik turimiz.
9 I Perwerdigar, padishahqa ghelibe bergeysen;
Nida qilghinimizda bizge ijabet qilghaysen!□ «I Perwerdigar, padishahqa ghelibe bergeysen; nida qilghinimizda bizge ijabet qilghaysen!» — bashqa birxil terjimisi: —
«I Perwerdigar, ghelbige érishtürgeysen!
Biz nida qilghan künde Padishah bizge jawab bergey!»
«I Perwerdigar, ghelbige érishtürgeysen!
Biz nida qilghan künde Padishah bizge jawab bergey!»
□20:1 «Yaqupning Xudasining nami séni égizde aman saqlighay!» — «Yaqupning Xudasi» dégen mushu ibaride «Yaqup» hem hezriti Yaqupning özini hemde uningdin chiqqan Israil xelqinimu körsitidu.
□20:6 «Perwerdigar Özi mesih qilghini» — yeni Israilning padishahi; mushu yerde Dawutni körsitidu. Biraq shübhisizki, bu küy bir bésharet bolup, kelgüsidiki Qutquzghuchi-Mesihnimu körsitidu. 2-küydiki izahatlarni we «Tebirler»nimu körüng.
□20:9 «I Perwerdigar, padishahqa ghelibe bergeysen; nida qilghinimizda bizge ijabet qilghaysen!» — bashqa birxil terjimisi: — «I Perwerdigar, ghelbige érishtürgeysen! Biz nida qilghan künde Padishah bizge jawab bergey!»