97
97-küy •••• Perwerdigarning selteniti kélidu!
1 Perwerdigar höküm süridu!
Yer-zémin xush bolsun,
Köpligen arallar shadlansun!■ Zeb. 93:1; 96:10
2 Bulutlar we qarangghuluq Uning etrapididur,
Heqqaniyet we adalet textining ulidur;
3 Uning aldida ot yalquni yüridu,
Etraptiki düshmenlirini köydürüp tashlaydu;
4 Uning chaqmaqliri jahanni yorutti,
Yer buni körüp titrep ketti;■ Zeb. 77:16-18; Weh. 4:5
5 Perwerdigarning aldida,
Pütkül zéminning igisining aldida,
Taghlar momdek érip kétidu.
6 Asmanlar Uning heqqaniyitini jakarlaydu,
Barliq xelqler Uning shan-sheripini köridu.■ Zeb. 19:1; 50:6
7 Oyma heykellerge choqun’ghanlar,
Butlar bilen maxtinip yürgüchilerning hemmisi uyatta qalidu.
Barliq ilahlar, Uninggha sejde qilinglar!□ «Oyma heykellerge choqun’ghanlar, butlar bilen maxtinip yürgüchiler...» — «butlar» ibraniy tilida «erzimesler». «barliq ilahlar, uninggha sejde qilinglar!» — «ilahlar» bu yerde, shundaqla 86-, 95-, 96- we 97-küyde körsitilgendek, perishtilerni, yaki bolmisa butlarning keynidiki jin-sheytanlarni körsitidu. 94:3 we izahatini körüng.
8 Séning hökümliring sewebidin, i Perwerdigar,
Zion anglap shadlandi,
Yehuda qizliri xush boldi.
9 Chünki Sen Perwerdigar pütkül yer yüzi üstidiki eng aliysidursen;
Sen barliq ilahlardin neqeder yuqiridursen!
10 Perwerdigarni söygenler, yamanliqtin nepretlininglar!
U mömin bendilirining jénidin xewer alidu,
Rezillerning changgilidin xalas qilidu.■ Am. 5:15; Rim. 12:9
11 Heqqaniylar üchün nur,
Dili duruslar üchün shadliq térilghandur;
12 Perwerdigardin shadlininglar, i heqqaniylar,
Uning pak-muqeddeslikini yad étip teshekkür éytinglar!
□97:7 «Oyma heykellerge choqun’ghanlar, butlar bilen maxtinip yürgüchiler...» — «butlar» ibraniy tilida «erzimesler». «barliq ilahlar, uninggha sejde qilinglar!» — «ilahlar» bu yerde, shundaqla 86-, 95-, 96- we 97-küyde körsitilgendek, perishtilerni, yaki bolmisa butlarning keynidiki jin-sheytanlarni körsitidu. 94:3 we izahatini körüng.