1 ¡NoTeco Dios, xihuala techmaquixtiqui pampa nochi quimatij ta tihueyi!

¡Techmanahuiqui ica mohueyi chicahualis!

2 Techtacaquili quema nimotatajtía ica ta.

Quena, xijtacaquili cati nimitzpohuilía,

3 pampa tatehuijca masehualme motanantoque ica na.

Quena, masehualme cati amo quema mitzelnamiquij nechtemohuaj para nechmictise.

4 Pero Toteco Dios nochipa nechpalehuía,

huan amo quincahuilis ma nechmictica.

5 Toteco quincuepilis nocualancaitacahua nochi nopa tamanti amo cuali cati inijuanti quisencajtoque nechchihuilise.

Quena, TOTECO, ta cati nelía titemachti, xijchihua senquisa quej techtencahuilijtoc,

huan xiquintzontamilti nochi nocualancaitacahua.

6 Ica paquilisti nimitzmacas notacajcahualis.

Nimitzhueyimatis pampa ta nelía ticuali,

7 pampa ta techmanahuijtoc ten nochi taohuijcayot,

huan niquitztoc quenicatza tiquintantoc nochi nocualancaitacahua.