1 ¡TOTECO tanahuatía!

Yaya tahuel hueyi hasta quipiya itatanex cati tahuel cuajcualtzi.

Quitatzquilti nelcuali ni taltipacti,

huan amo hueli mojmolinis ten itatzinpehualtil.

2 Nochipa hasta ten huejcajquiya ta tijpixtoc tanahuatili,

huan nochi cati itztoque ipan motanahuatilis itztoque temachme.

San ta tiitztoc para nochipa.

3 TOTECO, nopa hueyame caquisti para mitzpaquilismacaj quema mocoxoníaj.

4 Pero ta, TOTECO, cati tiitztoc hasta huejcapa tijpiya más chicahualisti,

huan amo quej nopa at cati mocoxonía ipan nochi huejhueyi at ipan taltipacti.

5 Motanahuatilhua amo quema mopataj.

TOTECO, para nochi xihuit huan para nochi tonali motequiticayo eltoc senquisa tatzejtzeloltic.