1 Huejcajquiya quema nopa israelitame quisque ipan tali Egipto,

campa nopa masehualme camanaltij seyoc camanali,

2 hualajque huan quichijque itiopa Toteco ipan tali Judá para nopona ma mocahua inihuaya,

huan nochi tali Israel eltoya ital campa nojquiya yaya tanahuati.

3 Quema nopa Hueyi At Chichiltic quinitac hualahuij nopa israelitame,

nimantzi moisihuilti huan motapo para ma panoca campa tahuactoc.

Nojquiya nopa hueyat Jordán motapo para ma panoca.

4 Nochi paquiyayaj hasta elqui quej nopa tepeme huitonque ica paquilisti quej chivojme,

huan nopa taixtemolis huitonque quej pilborregojtzitzi.

5 ¿Taya panoc ica nopa Hueyi At Chichiltic?

¿Para ten motajcoxelo?

Huan nopa hueyat Jordán, ¿para ten motilquetzqui?

6 Huan nopa tepeme, ¿para ten huitonque quej chivojme?

Huan nochi taixtemolisti,

¿para ten huitonque quej pilborregojtzitzi?

Elqui pampa nochi tahuel quitepanitaj Toteco.

7 Nochi taltipacti huihuipica iixpa TOTECO,

yaya cati iTeco Jacob,

8 pampa yaya quichijqui para ipan nopa tet ma meya at.

Quena, yaya quiquixti at ipan nopa tet huan mochijqui quej se hueyat.