1 Na nipajqui quema nechilhuijque:

“Ma tiyacajya ichaj TOTECO.”

2 Pero ama ya tiitztoque nica ipan altepet Jerusalén.

Quena, ya ticalactoque campa icaltehua ni altepe.

3 Jerusalén quisencajtoque para nopona nochi ma mosentilica.

4 Nochi imasehualhua TOTECO ten cati hueli hueyi familia ten israelitame hualahuij nica sese xihuit,

para quitascamatise huan quipaquilismacase Toteco senquisa quej quiijtohua itajtol.

5 Pampa nopona mosehuía para tetajtolsencahuas nopa tanahuatijquet cati iixhui David.

6 Ximotatajtica ica TOTECO para ma onca tasehuilisti ipan altepet Jerusalén.

Xijtiochihua Jerusalén ica ni camanali:

7 “Ma itztoca cuali nochi cati quiicnelíaj ni altepet Jerusalén.

Ma onca tasehuilisti ica calijtic nopa tepamit cati quiyahualojtoc.

Ma itztoca ica paquilisti ipan nochi tequicalme.”

8 Pampa niquinicnelía noicnihua huan nohuampoyohua cati itztoque nica, niquijtohua:

“Ma quipiya tasehuilisti ni altepet.

9 Pampa niquicnelía ichaj TOTECO cati eltoc nica,

ma onca tasehuilisti ipan ni altepet.”