1 Pikinini, Kis 20.6, Lo 30.16, Sng 119.61 mi laik skulim yu nau, na yu no ken lusim tingting long dispela tok. Nogat. Oltaim yu mas tingim gut. 2 Sapos Sng 91.16, 119.165, Snd 11.10, 11.27 yu bihainim dispela tok bai yu stap longpela taim long graun na bai yu sindaun gut tru. 3 Yu no ken lusim pasin bilong givim bel bilong yu long ol arapela man na pasin bilong poroman tru long ol arapela man. Yu mas bihainim dispela pasin na em bai i kamap olsem gutpela bilas long nek bilong yu. Na yu mas putim gut long tingting bilong yu. 4 Sapos Lu 2.52 yu mekim olsem, orait God bai i laikim yu na ol man tu bai i laikim yu, na wok bilong yu bai i kamap gutpela.

5 Yu Sng 37.3-5, Snd 23.4, Jer 9.23 mas bilip strong long Bikpela. Yu no ken ting save bilong yu yet inap helpim yu. 6 Long 1 Sto 28.9, Snd 16.3, Ais 45.13 olgeta samting yu mekim, yu mas tingting strong long Bikpela na yu mekim, na em bai i soim yu stretpela rot long bihainim. 7 Nogut Ro 12.16 yu ting, save bilong yu yet em i samting tru. Nogat. Yu mas aninit long Bikpela na givim baksait long pasin nogut. 8 Sapos yu mekim olsem, dispela pasin bai i helpim yu tru, olsem marasin i save helpim bodi bilong yu, na mekim yu i stap gut. 9 Yu mas kisim ol namba wan hap kaikai i mau long gaden bilong yu na givim long Bikpela olsem ofa, na dispela bai i givim biknem long em. 10 Sapos yu mekim olsem, orait Bikpela bai i mekim gaden bilong yu i karim planti kaikai moa. Na bai yu inap pulapim tru haus kaikai bilong yu, na bai tang wain bilong yu i pulap tru na hap wain i kapsait.

11 Pikinini, Jop 5.17 Hi 12.5-6 sapos Bikpela i mekim wanpela samting long yu bilong stretim yu, yu no ken kros na bel nogut. 12 Long Lo 8.5, Snd 13.24, KTH 3.19 wanem, Bikpela i save stretim ol man em i laikim tumas, olsem ol papa i save stretim ol pikinini ol i laikim tumas.

13 Man i kisim gutpela tingting na save, em i ken amamas tru, 14 long wanem, gutpela na stretpela tingting i winim tru silva na gol 15 na ol gutpela ston i dia tumas. Na tu em i winim olgeta arapela samting yu laikim tumas. 16 Gutpela tingting bai i helpim yu na yu inap i stap longpela taim long graun. Na em bai i givim biknem na planti samting long yu. 17 Gutpela tingting bai i mekim yu belgut oltaim na mekim sindaun bilong yu i kamap gutpela. 18 Gutpela tingting i olsem diwai bilong givim laip. Olsem na ol man i holimpas gutpela tingting, ol i gat laip i gutpela tru na ol i amamas.

19 Long gutpela tingting na save bilong Bikpela yet, na em i bin wokim graun na skai 20 na em i save mekim wara i kamap long graun na em i save mekim ol klaut i bung na ren i pundaun.

21 Pikinini, yu mas was gut na holim strong gutpela tingting na save bilong yu. Nogut yu lusim. 22 Gutpela tingting na save bai i givim laip long yu na em bai i stap olsem gutpela bilas bilong yu. 23 Na bai yu wokabaut gut long rot na bai i no gat wanpela samting i sutim lek bilong yu. 24 Na Jop 11.19, Sng 3.5, Snd 6.22 long taim bilong slip bai yu no inap pret. Bai yu slip gut tru. 25-26 Yu mas bilip strong long Bikpela na em bai i banisim yu na lukautim yu na ol birua bai i no inap holimpas yu long umben bilong ol. Olsem na sapos taim nogut i kamap long ol man nogut na ol i bagarap, yu no ken pret. Dispela kain taim i save kamap wantu long ol, olsem bikpela win na ren.

27 Sapos Ro 13.7, Ga 6.10 wanpela man i sot long samting na em i askim yu long givim em, yu no ken tok, “Nogat.” Sapos yu inap, yu mas givim em. 28 Sapos yu inap helpim wantok long taim em i askim yu, orait yu no ken tokim em olsem, “Wet pastaim. Tumora yu kam bek na bai mi givim yu.” 29 Ol wantok bilong yu i stap klostu long yu na ol i ting yu pren bilong ol. Olsem na yu no ken tingting long mekim nogut long ol. 30 Yu no ken tok pait nating wantaim man i no bin mekim nogut long yu. 31 Bel bilong yu i no ken kirap long bihainim pasin bilong ol man bilong pait, na yu no ken wokabaut long rot bilong ol. 32 Long wanem, Bikpela yet i no laik tru long kain man olsem. Tasol Bikpela i stap wanbel tru wantaim ol man i save wokabaut stret. 33 Bikpela i tok, ol man nogut bai i bagarap wantaim ol famili bilong ol. Tasol Bikpela i save mekim gut long ol stretpela man wantaim ol famili bilong ol, na em i lukautim ol. 34 Sapos Je 4.6, 1 Pi 5.5 ol man i tok bilas long ol arapela man, orait God bai i bekim wankain pasin long ol. Tasol em i save mekim gut long ol man i daunim ol yet. 35 Ol manmeri bai i givim biknem long ol man i gat gutpela tingting. Tasol ol man i no gat gutpela tingting i save bagarapim nem bilong ol yet.