53
53-küy •••• Ⱪarangƣu dunya
1 Nǝƣmiqilǝrning bexiƣa tapxurulup oⱪulsun dǝp, Mahalat aⱨangida Dawut yazƣan «Masⱪil»:
Əhmǝⱪ kixi kɵnglidǝ: «Ⱨeqbir Huda yoⱪ» — dǝydu.
Ular qiriklixip,
Nǝprǝtlik ⱪǝbiⱨ ixlarni ⱪilixti;
Ularning iqidǝ meⱨribanliⱪ ⱪilƣuqi yoⱪtur.□ «Mahalat aⱨangida Dawut yazƣan «Masⱪil»» — «mahalat»ning mǝnisi bizgǝ namǝlum. ■ Zǝb. 10:4; 14:1; Rim. 3:12
2 Huda ǝrxtǝ turup, insan balilirini kɵzitip:
«Bu insanlarning arisida, insapni qüxinidiƣan birǝrsi barmidu?
Hudani izdǝydiƣanlar barmidu?■ Rim. 3:11
3 Ⱨǝmmǝ adǝm yoldin qiⱪti,
Ⱨǝmmǝ adǝm qiriklixip kǝtti,
Meⱨribanliⱪ ⱪilƣuqi yoⱪtur, ⱨǝtta birimu.
4 Nanni yegǝndǝk Mening hǝlⱪimni yutuwalƣan,
Ⱪǝbiⱨlik ⱪilƣuqilarning bilimi yoⱪmidu?» — dǝydu.
Ular Pǝrwǝrdigarƣa ⱨeqbir iltija ⱪilmaydu.
5 Ⱪorⱪⱪudǝk ⱨeq ix bolmisimu,
Mana ularni ƣayǝt zor ⱪorⱪunq basti;
Qünki Huda seni ⱪorxawƣa alƣanlarning ustihanlirini parqilap qeqiwǝtti;
Sǝn ularni hijilliⱪⱪa ⱪoydung;
Qünki Huda ularni nǝziridin saⱪit ⱪildi.
6 Aⱨ, Israilning nijatliⱪi Ziondin qiⱪip kǝlgǝn bolsa idi!
Huda Ɵz hǝlⱪini asaritidin qiⱪirip, azadliⱪⱪa erixtürgǝn qaƣda,
Yaⱪup xadlinidu,
Israil huxal bolidu!