65
65-küy •••• Mǝdⱨiyǝ wǝ tǝxǝkkür
1 Nǝƣmiqilǝrning bexiƣa tapxurulup oⱪulsun dǝp, Dawut yazƣan küy-nahxa: —
Zionda, mǝdⱨiyǝ süküt iqidǝ Seni kütidu, i Huda;
Sanga ⱪilƣan wǝdǝ ǝmǝlgǝ axurulidu.□ «Zionda, mǝdⱨiyǝ süküt iqidǝ Seni kütidu, i Huda» — baxⱪa birhil tǝrjimisi «Zionda, Sening aldingda, süküt bolidu, mǝdⱨiyimu bolidu».
2 I, dua Angliƣuqi, Sening aldingƣa barliⱪ ǝt igiliri kelidu.
3 Gunaⱨliⱪ ixlar, asiyliⱪlirimiz,
Kǝlkün basⱪandǝk mǝndin ƣalip kelidu;
Lekin Sǝn ularni yepip kǝqürüm ⱪilisǝn;□ «Lekin sǝn ularni (yǝni gunaⱨliⱪ ixlar, asiyliⱪlirimizni) yepip kǝqürüm ⱪilisǝn» — ibraniy tilida «ularni yepip kafarǝt ⱪilisǝn». «Kafarǝt» degǝn ix toƣruluⱪ «Mis.» 29:33 wǝ izaⱨati, xundaⱪla «Tǝbirlǝr»nimu kɵrüng.
4 Sǝn tallap Ɵzünggǝ yeⱪinlaxturƣan kixi nemidegǝn bǝhtlik!
U ⱨoyliliringda makanlixidu;
Bizlǝr Sening makaningning, yǝni muⱪǝddǝs ibadǝthanangning bǝrikitidin ⱪanaǝt tapimiz;
5 Sǝn ⱨǝⱪⱪaniyliⱪni namayan ⱪilidiƣan karamǝt wǝ dǝⱨxǝt ixlar bilǝn bizgǝ jawab,
I nijatliⱪimiz bolƣan Huda,
Pütkül yǝr-dengizlarning qǝt-qǝtliridikilǝrgiqǝ tayanqi Bolƣuqi!
6 Beling ⱪudrǝt bilǝn baƣlanƣan bolup,
Küqüng bilǝn taƣlarni bǝrpa ⱪilƣansǝn;
7 Dengizlarning ɵrkǝxligǝn xawⱪunlirini,
Dolⱪunlarning xawⱪunlirini,
Ⱨǝmdǝ ǝllǝrning quⱪanlirini tinjitⱪuqisǝn!
8 Jaⱨanning qǝt-qǝtliridǝ turuwatⱪanlar karamǝtliringdin ⱪorⱪidu;
Sǝn künqiⱪixtikilǝrni, künpetixtikilǝrni xadlandurisǝn;
9 Yǝr yüzining ƣemini yǝp yoⱪlap kelip, uni suƣirisǝn,
Uni tolimu munbǝtlǝxtürisǝn.
Hudaning dǝrya-eriⱪliri suƣa tolƣandur;
Xundaⱪ ⱪilip sularni tǝyyarlap,
Kixilǝrni axliⱪ bilǝn tǝminlǝysǝn.
10 Terilƣu etizlarning qɵnǝklirini suƣa ⱪandurisǝn,
Ⱪirlirini taraxlaysǝn,
Tupraⱪni mol yeƣinlar bilǝn yumxitisǝn;
Uningda üngǝnlǝrni bǝrikǝtlǝysǝn.
11 Sǝn nemǝtliringni yilning ⱨosuliƣa taj ⱪilip ⱪoxup berisǝn;
Ⱪǝdǝmliringdin bayaxatliⱪ ⱨǝryanƣa tamidu;
12 Daladiki yaylaⱪlarƣimu tamidu;
Taƣ-dawanlar xat-horamliⱪni ɵzlirigǝ bǝlwaƣ ⱪilidu;
13 Kɵklǝmlǝr ⱪoy padiliri bilǝn kiyingǝn,
Jilƣilar maysilarƣa ⱪaplinidu;
Ular huxalliⱪ bilǝn tǝntǝnǝ ⱪilidu,
Bǝrⱨǝⱪ, ular nahxilarni yangritixidu!
□65:1 «Zionda, mǝdⱨiyǝ süküt iqidǝ Seni kütidu, i Huda» — baxⱪa birhil tǝrjimisi «Zionda, Sening aldingda, süküt bolidu, mǝdⱨiyimu bolidu».
□65:3 «Lekin sǝn ularni (yǝni gunaⱨliⱪ ixlar, asiyliⱪlirimizni) yepip kǝqürüm ⱪilisǝn» — ibraniy tilida «ularni yepip kafarǝt ⱪilisǝn». «Kafarǝt» degǝn ix toƣruluⱪ «Mis.» 29:33 wǝ izaⱨati, xundaⱪla «Tǝbirlǝr»nimu kɵrüng.