100
Kabepepa ayina
Mmko ayina kamone na God yana miisena kiiravine yana wawaya sikiikiiveni.
1 Wawaya tupami kubura debane,
kabepepa ayidma kotawora gwaru Yawe God biidi!
2 Nuwamiimiiseye touna kokabepepi,
kopiika naghone bi konatawora touna biidi.
3 Bi konakovi da, “Yawe na God!”
Touna iberada, touda na yana wawaya,
bi yakoyakoyayida ware sip bodaboda yana sip yakoyakoyayidina naboni.
4 Ere wiikiikiivimi yana Bare Kabikabikuwayine korughu,
korughu garina kamone bi konakabepepa.
Touna kovikiikiiveni da kana waghawagha kovimiiseyeni.
5 Basuna Yawe God na wiinuwanuwaghaneyanina;
yana nuwamonika na makewaghawaghasina
bi yana nuwamiise na inanowiikarukaru kimta bi kimta biiyadi.