121
Ikiavɨra Itir God, a gumazir deravɨram e geghuva en garim
Godɨn Dɨpenimɨn ghuavanaga an ziam fer ighiam.
1 Onger Akaba 123:1Kɨ uan akurvazim bagha mɨghsɨaba kozorogha dar gari.
Eghtɨ gumazir nan akurvaghamim managhɨra ikegh otogh izam.
2 Onger Akaba 115:15; 124:8Ikiavɨra Itir Godɨn overiam ko nguazimɨn ingarizim,
a bar uabɨra nan akurvasi.
3 Onger Akaba 41:2; 66:9A Godɨn akuir puvatɨzim.
A nɨ akumakum deragh nɨn gantɨ,
nɨ irɨghan kogham.
4 A Israelia akumakua deragha men gari,
egha dughiatamɨn bar akuizir puvatɨ.
5 Ikiavɨra Itir God, nɨn boroghɨra ikia,
mati dughuazim nɨ avara.
Egha nɨ geghuva deragha nɨn gari.
6 Aisaia 49:10; Akar Mogomem 7:16Aruem isiragh nɨ dapongeghan kogham,
eghtɨ dɨmangan iakɨnim nɨ gasɨghasɨghan kogham.
7 Onger Akaba 91:10-12Ikiavɨra Itir God nɨ geghuv deragh nɨn gantɨ,
bizir kuratam nɨ gasɨghasighan kogham.
8 Nɨ uan dɨpenim ataghɨraghamin dughiam,
a nɨ geghuv deragh nɨn ganam.
Egh nɨ ua izamin dughiam, a kamaghɨra damuam,
a datɨrɨghɨn ko, dughiar gɨn izamibar,
kamaghɨra damuam.