8
Anutuna qareenaranara faqa faiqí faiqi mariranara faqa qirufa.
1 Oo Yaawee maasa Yaaweefa, ani uriqararana aiqama maa maqa maaqanaki mariasa qafaidaqa.
Ani amooqirafa innaaruna amana kai ooru maridanoo.
2 Miqi qimasee faiqí aanaaqiuqaindi faqa naaqoo iriasa faqa ani amooqira idi raidaqa.
Anee amiqiranaki marianaqa ani namuqaa sia ani arifaranoo.
Nariara uriqararausee qimariasa anee misa aana ititannimaqee mariananoo.
3 Qinee anee auqu quqaqoonnana quqoona faqa fasauqa faqa innaarunai qafaidaqa.
4 Qinee mi ainainausa qafaidaqa maaqi qidaqa,
Faiqí nanee mariafanee anee misara iridanee.
Fifau kaqikaa ainaina maridanoo.
Faiqí faiqí faqa nanainainee mariafanee anee misa rakisidanee.
5 Anee Yaaweefa faiqí faiqí mareeqee aiqama ainaina urinnaaqaramasee aneenna ameemaanai
quqaseenana miqoo qareenarana faqa nuqu firaana faqa qatara foora afisu nimaqaananoo.
6 Anee faiqiara aiqama anee auquqoonna ainainausasaa rakisiaqee qimasee qinau.
Anee aiqama ainaina auquqoonnana uriqararausa mariaqeera quqanau.
7 Sipsipauqasaa faqa burimmakauqasaa faqa kaasau aandausaa faqa rakisiaqeera quqanau.
8 Innaarunai qaqamaree nimaria ufinisa faqa ooruku nammariki maria noodaannausa faqa minaki
maria aandausa oosana oosana saa rakisiaqeera faiqí quqanau.
9 Oo Yaawee maasa Yaaweefa ani uriqarara afeeka aiqama maqa maaqaki mariasa qafaidaqa.