52
Tikpɑ̀tì yɛiti yiɛ̀ nyóó dentɛnɛ̀ tì
1 Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀. 2 Dowɛki Edomiibɛ kou do nɑ̀kɛ́ Sɑuri Dɑfiti tɑmɛ̀ Aimmɛdɛki cĩ́ɛ̃̀tɛ̀ kòò dentɛ̀ fɛ̀.
3 Dɛ̀ dòmmɛ fɔ̃́ nwèè kpeńnì mɛyɛi ndɔɔ̀rìmù miɛkɛ kɑ̀ɑ pɔ̀tìnɛ̀ mɛyɛi?
Kɛ ɔ̃ ntṹṹ nkɛ toti mukɔ̀ù mɑ́ɑ̀ kpɛ́í?
4 A mɔkɛ mɛsoùmmɛ̀ mmɛ,
kɑ̀ɑ nùù nɑɑti kuponkù kɔ̃mɛ,
kɑ̀ɑ tú oniticiìntì.
5 A dɔ́ mɛyɛi mmɛ kɛ yóu mɛsɑ̀ɑ̀,
kɛ dɔ́ siyɑ́ɑ̀bìsí kɛ yóu timɔ́mmɔnti.
6 A nɔnnɛ̀ tinɑ́ɑǹtì tìì kó dimɑ̀ɑ̀ kɔ̀ùrì tìnti,
kɛ mɔkɛ mɛciìmmɛ̀.
7 Kuyie mbo dɑ bɔ nsɑ̃́ɑ̃̀,
kù bo dɑ uutɛ́ ɑ cĩ́ɛ̃̀tɛ̀ miɛkɛ kɛ́ dɑ dennɛ,
kɛ́ dɑ dɛitɛ bɛfòùbɛ̀ miɛkɛ kɛtenkɛ̀ kiɛ nyĩ́nkɛ̀.
8 Bɛ̀ɛ̀ borimɛ wenni kɛ̀ bɛ̀ dɑ yɑ̀ kɛ kufɔ̃wɑɑ́ mbɛ̀ pĩ,
kɛ̀ bɛ̀ ndɑ dɑú kɛ tú:
9 Ntɛnɛ̀ onìtì wèè do í yíé nKuyie mbo nhò kɑ̃nkɛ́mɛ̀,
kòo yɛ̀mmɛ̀ ńnɑɑtinɛ̀ o kpɑ̀tì,
ò do soutɛ́mu kɛ́kpenkɛ.
10 Mí m bo Kuyie ncĩ́ɛ̃̀tɛ̀ ntɛ kɛ dò mmutie mùù sɛ̀nti,
kɛ búɔ́ Kuyie nkó mɛsɑ̀ɑ̀ nsɑ̃́ɑ̃̀.
11 N yó nsɑ̃ntí fɔ̃́ nwe sɑ̃́ɑ̃̀ ɑ dɔ̀ɔ̀ dɛ̀ kpɛ́í,
n yó mbúɔ́ fɔ̃́ nwe kɛ yɛ̃́ ɑ sɑ̀ɑ̀ mbonɛ̀mɛ̀ bɛ̀ɛ̀ dɑ dɔ́.