124
Isidɑyɛɛribɛ sɑ̃ntímɛ̀ Kuyie nkù bɛ̀ dɛɛtɛ́mɛ̀
1 Dɑfiti yɛ̀nfɛ̀ bɛ̀ ɔ̃ ndentì fɛ̀ kɛ kɔri Kuyie ncĩ́ɛ̃̀tɛ̀.
Kɛ̀ ti Yiɛ̀ nKuyie ndo í ti bonɛ̀...
Isidɑyɛɛribɛ, nnɑ́ɑ́nnɛ̀ ti kɛ tú:
2 Kɛ̀ ti Yiɛ̀ nKuyie ndo í ti bonɛ̀,
bɛnìtìbɛ̀ do ìtɛ́ dìì mɔ̀nnì ti kpɛ́í.
3 Bɛ̀ nɑ nti mɑɑnkomu ti fòùbɛ̀,
bɛ miɛkɛ mɛ̀ ndo ti cɔ̀útɛ́ mɛ̀ɛ̀ botí.
4 Mɛniɛ mmɛɛ̀ nɑ nti pɔ̃ntɛ́nɛ̀,
ti nɑ ndìu fɛnɛ́wuonfɛ nfɛ.
5 Yɛnɛ́fĩ̀nfĩ̀rɛ̀ yɛɛ̀ nɑ nti dɑ̀tínnɛ́,
yɛnɛ́fĩ̀nfĩ̀rɛ̀ diɛyɛ̀ yɛɛ̀ nɑ mpɛ̃ɛ̃tɛ́ ti ĩ́nkɛ̀.
6 Ti Yiɛ̀ nKuyie nyètìrì ndɛu,
kunku kùù í yóu kɛ̀ bɛ̀ ti di.
7 Kuù te kɛ̀ ti nɑ kɛ yentɛ́,
tɛnɔ̀tɛ̀ ɔ̃ɔ̃ yentɛ́nɛ̀ mɛ̀ɛ̀ botí ticùɔ̀tì,
kuù tɔ̃̀tɛ ticùɔ̀tì kɛ̀ ti nɑ kɛ yentɛ́.
8 Ti kó mɛteèmmɛ̀ boní ti Yiɛ̀ nKuyie mborɛ̀ ndɛ,
kunku kùù dɔ̀ɔ̀ kɛtenkɛ̀ nɛ̀ kɛĩ́nkɛ̀.