1 ታኒ ሃራ ዎልቃማ ማላታ ሳሎ ቦላ ቤያዲስ። ፆሳ ሃንቆይ ኢስታን ፖሌታናስ ዉርሴꬅ ጊዲዳ ላፑን ቦሻታ ኦይኪዳ ላፑን ኪታንቻታ ቤያዲስ።

2 ሄሳፌ ጉዬ ታማራ ዋላኬቲዳ ማስቶቴ ኣባ ሚሳቲዛ ሚሽ ቤያዲስ። ሄሳꬆካ ሄ ዶዓዛኔ ኢዛ ሚሲሌዛ ኢዛ ሱንꬃ ቁፁሬዛ ማላታ ፆኒዳይታ ቤያዲስ። ፆሲ ኢስታስ ኢሚዳ ዲꬃ ማላ ባጋና ጌቴቲዛይሳ ኦይኪዲ ማስቶቴ ሚሳቲዛ ኣባ ኣቻን ኤቂዳ። 3 ፆሳ ኦሳንቻ ሙሴ ዬꬂኔ ዶርሳዛ ዬꬅ፥

5 ሄሳፌ ጉዬ ታ ዛራ ፄሊሺን ካሴ ማርካቴꬃ ዱንካኔ ጊዲዳይሲ ፆሳ ኬꬂ ሳሎን ዶዬቲዴስ። * ኬሳ 38፡21 6 ላፑን ቦሻታ ኦይኪዳ ላፑን ኪታንቻቲ ፆሳ ኬꬃፌ ኬዚዳ። ኢስቲ ቃስ ጌሽ ጊዲዲ ፆልቂዛ ቦꬃ ማይዖ ማይዒዳ። ዎርቃፌ ኦሴቲዳ ዳንጮ ማላ ማይዖ ቲራ ቦላ ቃቺዳ። 7 ኦይዱ ዶዓታፔ ኢሶይ ላፑን ኪታንቻታስ ሜርናፔ ሜርናስ ዲዛ ፆሳ ሃንቆይ ኢስታን ኩሚ ኡቲዳ ላፑን ዎርቃ ፁዓታ ኢሚዴስ። 8 ፆሳ ኬꬃይካ ፆሳ ቦንቾፌኔ ኢዛ ዎልቃፌ ዴንዲዳይሳን ጩዋይ ኢዛን ኩሚዴስ። ላፑን ኪታንቻቲ ባ ኩሼን ኦይኪዳ ላፑን ቦሻቲ ፖሌታና ጋካናስ ኦኒካ ሄ ፆሳ ኬꬄ ጌላናስ ዳንዳይቤና። * ኬሳ 40፡34፤ 1ካዎ 8፡10-11፤ 2ታር 5፡11-14፤ ኢሳ 6፡4