54
Ala ye mɔgɔ degunin bɔsibaga ye
1 Dɔnkirilabagaw kuntigi. Dɔnkiri min bɛ la ni gɔni ye. Dawuda ka nin dɔnkiri la, 2 wagati min Zifikaw nana a fɔ Sawuli ye ko: «Dawuda dogonin bɛ anw fɛ yi!»* 54.2 Nin kumaw bɔ sɔrɔ Samawilu fɔlɔ 23.15-24; 26.1-5.
3 E, Ala, ne kisi i tɔgɔ baraka ra;
kiti tigɛ ka ne ta jo di ne ma, i ta sebagaya baraka ra.
4 E, Ala, ne ta daariri lamɛn,
i toro malɔ ne darakan na.
5 Sabu Alaɲasiranbari dɔw wurira ne kama,
mɔgɔ fariman dɔw b’a fɛ ka ne nin bɔ;
o tɛ Alako fan si le jate.† 54.5 Nin yɔrɔ ra a sɛbɛra heburukan na ko: Sela.
6 Nka, a flɛ, Ala le ye ne dɛmɛbaga ye,
Matigi le bɛ baraka don ne nin na.
7 A bɛna ne juguw ta kojuguw hakɛ ben o yɛrɛ kan.
E, Ala, o halaki i ta kankelentigiya kosɔn.
8 Ne bɛna ne yɛrɛ diyanya sarakaw bɔ i ye ni ne jusukun bɛɛ ye;
Matigi Ala, ne bɛna i fo ka i waleɲumanlɔn, ka i tɔgɔ bonya, sabu i tɔgɔ ka ɲi.
9 A bɛ ne bɔsi ka bɔ ne ta degukow bɛɛ ra.
Ne bɛ ne ɲa lɔ ne juguw ra ka o bentɔ flɛ.