121
Iawe God me ipa onioniau apanawa
1 Ne sau naepeinta donsapona insene,
pisiwane wadi ewamona.
2 Ne sau Iawe God mida uba ita tawo dewamona mampee,
mainawo wisepio wadapa.
3 Sa baiwa me mai eepio omea, dia,
walama uduudu eweedio wainiana mai ituleipona,
4 Iawe God ipa Israelwa onioniau apanawa,
me mai emawa lauleipona ba ituleipona, dia.
5 Iawe God ipa e onioniaa apanawa wande,
me ipa e tanawoido kadiwa donsano sauepi.
6 Walamo omo sapawa e mai kadiepi
ita tadino uaboa sapawa mai kadiepi, dia.
7 Poka daitada manawo wisempo Iawe God e oniadewasaepi,
ita kadiwa mai donsaa, dia.
8 E noene aitona ita leuitona bedewe Iawe God emawa ipa e osoawo,
me e oniadewasaempa tauma ita ando ita ando bedewe.