87
Zion, ndug patabuaŋ to Maaron
Mbouŋ to yes Kora
1 Yoova tau ipamundigin ndug toni izi lolooz toni patabuaŋ.
2 Ye lolo pa ndug Zion kat ilib pa ndug naol to Yakop papaghu toni tinepneep ila. Mbo 48:1
3 O Yerusalem, yom Maaron ndug toni. Tauto tamtoghon tipait varum kat.
4 Maaron isaav ighaze: “Yes Isipa ve Babilona pale tiwatag ghou, ve nawaat di tamtoghon tiou.
Ve you pale nasaav pa yes Pilistia, yes to ndug Tiro, ve yes to Etiopia paam tovene:
‘Yam anim Yerusalem tamtoghona, raraate inimale yes to tipoop di izi sualen.’ ”
5 Onoon kat, pale tisavia ndug Zion tighaze: “Maaron Tiina To Ilib Pa Ndimaronŋa Tisob, ye igham tamtoghon to ndug naol tinim Yerusalem tamtoghona. Ndug tonowen, ye tau ipamundigini.”
6 Tovenen sawa to Yoova imbood tamtoghon toni izadi ila rau,
ye pale imbood saveeŋ to ipaghazoŋan tamtoghon to ndug naol tonowen ighaze: “Yes paanu tau to Yerusalem.”
7 Tovenen tamtoghon pale lolodi poia, ve timboumbou ve titortor, ve tisaav tighaze:
“A Yerusalem, yom unumale saambu to ya bokbokia izaza pani. Pasa, yom, tauto mbeb popoia katindi tivotvot payei!”