20
Cathut rungngangnae thaw
Kathutkung: Devit
1 Runae hnin dawk BAWIPA ni na pato naseh.
Jakop Cathut min lahoi na roum sak naseh.
2 Hmuen kathoung koehoi kabawpnae teh tâcawt sak naseh.
Zion hoi tha awm sak naseh.
3 Na thuengnae pueng na thai pouh naseh.
Hmaisawi thuengnae hai dâw naseh.
4 Na ngainae patetlah na poe naseh,
na pouknae patetlah kuep sak naseh.
5 Na rungngangnae dawk ka konawm awh vaiteh,
Cathut min lahoi lukkarei a yap awh han.
BAWIPA ni na hei e pueng kuep sak lawiseh.
6 BAWIPA ni satui awi e a rungngang tie atuvah panue awh toe.
Kathounge kalvan hoi a rungngangnae aranglae kut,
athakaawme hoi na pato han.
7 Atangawn ni leng a kâuep awh teh,
atangawn ni marang a kâuep awh.
Hatei, kaimouh teh, BAWIPA Cathut min hah pou ka kâuep awh han.
8 Ahnimouh teh tabut hoi a rawp awh.
Hatei, kaimouh teh ka thaw awh teh, kalancalah ka kangdue awh.
9 BAWIPA rungngang haw.
Ka kaw toteh siangpahrang ni na pato naseh.