120
Kathutkung: Panuekhoeh, tami tangawn ni Hezekiah a ti awh
1 Kai teh runae kâhmo navah,
BAWIPA ka kaw teh Bawipa ni na pato.
2 Oe BAWIPA, ka muitha hah laithoe e pahni dawk hoi thoseh,
dumyennae lai dawk hoi thoseh, na rungngang haw.
3 Oe dumyennae lai, Bawipa ni nang hah
bangtelah vaimoe na ti han vai,
nang hah bang hoi vaimoe runae na poe han vai tet pawiteh,
4 athakaawmnaw e kahran e pala hoi
kongkang hmaisaan hoi doeh.
5 Kai teh, Meshek ram vah, kahlawng ka cei teh
Kedarnaw e rim dawk ka o dawkvah,
yawthoe lah a o
6 Ka muitha teh roumnae ka hmuhma e naw hoi
rei ao e hroung asaw toe.
7 Kai teh roumnae ka ngai.
Hatei, ka dei navah,
ahnimouh teh tarantuk hane doeh a ngai awh.