71
1 ܒܝܼܘܼܟ݂، ܝܵܐ ܡܵܪܝܵܐ، ܫܩܝܼܠܔ ܠܝܼ ܓܵܘܣܵܐ،
ܠܵܐ ܫܵܒ݂ܩܹܬ ܢܵܟ݂ܦܹܢ ܠܥܵܠܲܡ.
2 ܒܙܲܕܝܼܩܘܼܬܘܼܟ݂ ܦܲܨܹܝܬ ܠܝܼ ܘܦܲܪܩܸܬ ܠܝܼ،
ܡܲܨܠܝܼ ܢܵܬܘܼܟ݂ ܐܸܠܝܼ ܘܗܲܒ݂ܠܔ ܠܝܼ ܦܘܼܪܩܵܢܵܐ.
3 ܗܘܝܼ ܐܸܠܝܼ ܠܐܝܼܨܵܪܵܐ ܕܡܲܥܡܪܵܐ ܕܥܵܒ݂ܪܹܢ ܓܵܘܹܗ ܒܟܠܔ ܥܕܵܢܵܐ،
ܦܩܝܼܕ ܠܘܼܟ݂ ܠܦܲܪܘܼܩܹܐ ܐܸܠܝܼ،
ܒܗ̇ܝ ܕܩܵܝܝܼ ܘܚܸܣܢܝܼ ܐܲܢ݇ܬ ܝܼܘܸܬ.
4 ܝܵܐ ܐܲܠܵܗܝܼ، ܦܲܨܝܼ ܠܝܼ ܡ̣ܢ ܐܝܼܕܵܐ ܕܪܲܫܝܼܥܵܐ،
ܡ̣ܢ ܟ̰ܲܢܓܘܼܪܬܵܐ ܕܥܵܘܵܠܵܐ ܘܛܵܠܘܿܡܵܐ.
5 ܒܗ̇ܝ ܕܐܲܢ݇ܬ ܝܼܘܸܬ ܣܲܒ݂ܪܝܼ، ܝܵܐ ܡܵܪܝܵܐ ܐܲܠܵܗܵܐ،
ܬܘܼܟ݂ܠܵܢܝܼ ܡ̣ܢ ܙܥܘܿܪܘܼܬܝܼ.
6 ܥܲܠܘܼܟ݂ ܣܢܝܼܕ ܠܝܼ ܡ̣ܢ ܒܲܛܢܵܐ،
ܐܲܢ݇ܬ ܝܼܘܸܬ ܦܲܠܛܵܢܝܼ ܡ̣ܢ ܡܲܪܒܥܵܐ ܕܝܸܡܝܼ،
ܐܸܠܘܼܟ݂ ܝܼܠܵܗ̇ ܬܸܫܒܘܿܚܬܝܼ ܐܲܡܝܼܢܵܐܝܼܬ.
7 ܐܲܝܟ݂ ܕܘܼܡܵܪܵܐ ܗܘܹܐ ܠܝܼ ܠܪܵܒܵܐ،
ܐܝܼܢܵܐ ܐܲܢ݇ܬ ܒܹܝܬ ܓܵܘܣܝܼ ܥܲܫܝܼܢܵܐ ܝܘܸܬ.
8 ܡܸܠܝܵܐ ܝܠܹܗ ܦܘܼܡܝܼ ܬܸܫܒܘܿܚܬܘܼܟ݂،
ܘܟܠܹܗ ܝܵܘܡܵܐ ܚܸܩܪܘܼܟ݂.
9 ܠܵܐ ܪܲܦܹܝܬ ܠܝܼ ܒܙܲܒ݂ܢܵܐ ܕܣܲܝܒܘܼܬܝܼ،
ܟܲܕ ܬܵܐܹܡ ܚܲܝܠܝܼ ܠܵܐ ܫܵܒ݂ܩܹܬ ܠܝܼ.
10 ܒܗ̇ܝ ܕܗܘܼܡܙܸܡ ܠܗܘܿܢ ܕܸܫ̃ܡܸܢܝܼ̈ ܥܲܠܝܼ،
ܘܢܵܛܪ̈ܵܢܹܐ ܠܓܵܢܝܼ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ،
11 ܒܹܐܡܵܪܵܐ: ”ܐܲܠܵܗܵܐ ܩܵܡ ܫܵܒܹܩ ܠܹܗ؛
ܢܦܘܿܠܘܼܢ ܒܵܬܪܹܗ ܘܕܒ݂ܘܿܩܘܼܢ ܠܹܗ، ܒܗ̇ܝ ܕܠܲܝܬ ܠܹܗ ܦܲܨܝܵܢܵܐ.“
12 ܝܵܐ ܐܲܠܵܗܵܐ، ܠܵܐ ܪܵܚܩܹܬ ܡܸܢܝܼ،
ܝܵܐ ܐܲܠܵܗܝܼ، ܡܲܠܝܸܙ ܠܗܲܝܲܪܬܝܼ.
13 ܢܵܟ݂ܦܝܼ ܘܬܵܝܡܝܼ ܥܵܒ݂ܕܵܢܹ̈ܐ ܕܕܲܠܩܘܼܒ݂ܠܘܼܬܵܐ ܠܓܵܢܝܼ،
ܠܵܒ݂ܫܝܼ ܠܵܘܡܵܐ ܘܢܟ݂ܝܼܦܬܵܐ ܛܵܥܝܵܢܹ̈ܐ ܠܒܝܼܫܬܝܼ.
14 ܘܐܵܢܵܐ ܐܲܡܝܼܢܵܐܝܼܬ ܒܸܬ ܣܵܦܪܹܢ،
ܘܒܸܬ ܝܵܗܒܹܢܘܼܟ݂ ܬܸܫܒܘܿܚܬܵܐ ܥܲܠܔ ܬܸܫܒܘܿܚܬܵܐ.
15 ܦܘܼܡܝܼ ܒܸܬ ܗܲܩܹܐ ܙܲܕܝܼܩܘܼܬܘܼܟ݂،
ܟܠܹܗ ܝܵܘܡܵܐ ܦܘܼܪܩܵܢܘܼܟ݂،
ܒܗ̇ܝ ܕܠܵܐ ܝܕܝܼܥ ܠܝܼ ܡܸܢܝܵܢܵܝܗܝ.
16 ܒܸܬ ܐܵܬܹܝܢ ܒܓܲܒܵܪ̈ܘܼܝܵܬܹܐ ܕܡܵܪܝܵܐ ܐܲܠܵܗܵܐ،
ܒܸܬ ܡܲܕܟܸܪܸܢ ܙܲܕܝܼܩܘܼܬܵܐ ܕܕܝܼܘܼܟ݂ ܐܲܚܟ̰ܝܼ.
17 ܝܵܐ ܐܲܠܵܗܵܐ، ܩܵܡ ܡܲܠܦܸܬ ܠܝܼ ܡ̣ܢ ܙܥܘܿܪܘܼܬܝܼ،
ܘܗܲܠܔ ܠܲܐܟ݂ܵܐ ܡܘܼܕܸܥ ܠܝܼ ܕܘܼܡܵܪ̈ܘܼܟ݂.
18 ܘܐܘܼܦ ܗܲܠܔ ܚܘܵܪܕܸܩܢܘܼܬܵܐ ܘܣܲܝܒܘܼܬܵܐ، ܝܵܐ ܐܲܠܵܗܵܐ، ܠܵܐ ܪܲܦܹܝܬ ܠܝܼ،
ܗܲܠܔ ܕܡܲܕܥܸܢ ܚܲܝܠܘܼܟ݂ ܠܕܵܪܵܐ ܐܚܹܪܢܵܐ،
ܓܲܒܵܪܘܼܬܘܼܟ݂ ܠܟܠܔ ܕܐܵܬܹܐ.
19 ܙܲܕܝܼܩܘܼܬܘܼܟ݂، ܝܵܐ ܐܲܠܵܗܵܐ، ܗܲܠܔ ܡܪܵܘܡܵܐ ܝܠܵܗ̇،
ܐܲܢ݇ܬ ܕܥܒ݂ܝܼܕ ܠܘܼܟ݂ ܦܘܼܠܚܵܢܹ̈ܐ ܓܘܼܪܹ̈ܐ،
ܝܵܐ ܐܲܠܵܗܵܐ، ܡܵܢܝܼ ܝܠܹܗ ܐܲܝܟ݂ ܕܝܼܘܼܟ݂؟
20 ܐܲܢ݇ܬ ܕܩܵܡ ܡܲܚܙܹܝܬ ܠܝܼ ܪܵܒܵܐ ܥܵܘܩܵܢܹ̈ܐ ܣܸܪ̈ܝܹܐ،
ܒܸܬ ܕܵܝܪܹܬ ܡܲܚܹܝܬ ܠܝܼ،
ܘܡ̣ܢ ܥܘܼܡܩܹ̈ܐ ܕܐܲܪܥܵܐ ܒܸܬ ܕܵܝܪܹܬ ܡܲܐܣܩܸܬ ܠܝܼ.
21 ܒܸܬ ܡܲܙܝܸܕܸܬ ܓܘܼܪܘܼܬܝܼ،
ܘܒܸܬ ܕܵܝܪܹܬ ܝܵܗܒܹܬ ܠܝܼ ܠܸܒܵܐ.
22 ܐܘܼܦ ܐܵܢܵܐ ܒܸܬ ܫܲܟܪܸܢܘܼܟ݂ ܒܩܝܼܬܵܪܵܐ،
ܩܵܐ ܫܲܪܝܼܪܘܼܬܘܼܟ݂، ܝܵܐ ܐܲܠܵܗܝܼ،
ܒܸܬ ܙܵܡܪܹܢ ܐܸܠܘܼܟ݂ ܒܟܸܢܵܪܵܐ،
ܝܵܐ ܩܲܕܝܼܫܵܐ ܕܐܝܼܣܪܵܐܹܝܠܔ.
23 ܒܸܬ ܫܲܒܚܝܼ ܣܸܦܘܵܬܝܼ̈ ܟܲܕ ܙܵܡܪܹܢ ܐܸܠܘܼܟ݂،
ܐܘܼܦ ܓܵܢܝܼ ܕܦܘܼܪܩܵܐ ܠܘܼܟ݂.
24 ܐܘܼܦ ܠܸܫܵܢܝܼ ܟܠܹܗ ܝܵܘܡܵܐ ܒܸܬ ܗܲܡܙܸܡ ܙܲܕܝܼܩܘܼܬܘܼܟ݂،
ܒܗ̇ܝ ܕܢܟ݂ܝܼܦ ܠܗܘܿܢ ܕܦܝܼܫ ܠܗܘܿܢ ܡܘܼܟܸܦܹܐ ܛܵܥܝܵܢܹ̈ܐ ܠܒܝܼܫܬܝܼ.