146
1 ܗܲܠܸܠܘܼܝܵܐ، ܫܲܒܸܚܝ، ܝܵܐ ܓܵܢܝܼ، ܠܡܵܪܝܵܐ.
2 ܒܸܬ ܫܲܒܚܸܢ ܠܡܵܪܝܵܐ ܒܚܲܝܝܼ̈،
ܒܸܬ ܙܵܡܪܹܢ ܠܐܲܠܵܗܝܼ ܟܡܵܐ ܕܝܼܘܸܢ.
3 ܠܵܐ ܣܵܒܪܝܼܬܘܿܢ ܒܢܲܨܝܼܚܹ̈ܐ،
ܒܒܲܪܢܵܫܵܐ ܕܠܲܝܬ ܒܐܝܼܕܹܗ ܦܘܼܪܩܵܢܵܐ.
4 ܟܹܐ ܦܵܠܛܵܐ ܪܘܼܚܹܗ، ܟܹܐ ܕܵܐܹܪ ܠܥܲܦܪܹܗ،
ܒܗ̇ܘ ܝܵܘܡܵܐ ܟܹܐ ܛܵܠܩܝܼ ܚܘܼܫܵܒ݂ܘܼ̈ܗܝ.
5 ܛܘܼܒ݂ܵܐ ܠܡ̇ܢ ܕܐܲܠܵܗܵܐ ܕܝܲܥܩܘܿܒ݂ ܝܼܠܹܗ ܠܗܲܝܲܪܬܹܗ،
ܕܣܲܒ݂ܪܹܗ ܥܲܠܔ ܡܵܪܝܵܐ ܐܲܠܵܗܹܗ،
6 ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ،
ܝܵܡܵܐ ܘܟܠܔ ܕܐܝܼܬ ܓܵܘܵܝܗܝ،
ܢܵܛܪܵܢܵܐ ܕܫܪܵܪܵܐ ܠܥܵܠܲܡ،
7 ܥܵܒ݂ܕܵܢܵܐ ܕܕܝܼܘܵܢ ܕܛܠܝܼܡܹ̈ܐ،
ܝܵܗܒ݂ܵܢܵܐ ܕܠܲܚܡܵܐ ܠܟܦܝܼܢܹ̈ܐ،
ܡܵܪܝܵܐ ܫܵܪܝܵܢܵܐ ܕܐܲܣܝܼܪܹ̈ܐ،
8 ܡܵܪܝܵܐ ܦܵܬܚܵܢܵܐ ܕܥܲܝ̈ܢܹܐ ܕܣܸܡܝܹ̈ܐ،
ܡܵܪܝܵܐ ܡܲܪܡܵܢܵܐ ܕܛܥܝܼ̈ܦܹܐ،
ܡܵܪܝܵܐ ܡܲܚܸܒܵܢܵܐ ܕܙܲܕܝܼܩܹ̈ܐ،
9 ܡܵܪܝܵܐ ܢܵܛܪܵܢܵܐ ܕܡܵܫܵܚܲܛܹ̈ܐ،
ܣܵܢܕܵܢܵܐ ܕܝܲܬܘܼܡܹ̈ܐ ܘܐܲܪ̈ܡܸܠܝܵܬܹܐ،
ܐܝܼܢܵܐ ܐܘܼܪܚܵܐ ܕܪ̈ܲܫܝܼܥܹܐ ܟܹܐ ܡܲܦܟ̰ܸܠܔ.
10 ܡܵܪܝܵܐ ܒܸܬ ܥܵܒܹܕ ܡܲܠܟܘܼܬܵܐ ܠܥܵܠܲܡ،
ܐܲܠܵܗܵܟ݂ܝ، ܝܵܐ ܨܸܗܝܘܿܢ، ܠܕܵܪܵܐ ܘܕܵܪܵܐ.