1 Zao o firimboñan’ ana’ i Aharoneo: O ana’ i Aharoneo: i Nadabe naho i Abihò, i Eleazare naho Itamare. 2 Toe nihomake taolon-drae’e t’i Nadabe naho i Abihò, ie mbe tsy nisamake; aa le i Eleazare naho Itamare ty nitoloñe ho mpisoroñe, 3 le nitraok’ amy Tsa­doke tarira’ i Eleazare naho i Akimeleke tarira’ Itamare t’i Davide nizara iareo am-pirim­boñañe ty amo fitoroñañeo. 4 Ie amy zao nimaro ty talè amo tarira’ i Ele­azareo te amo tarira’ Itamareo; le zao ty nizarañe iareo: folo-eneñ’ amby ty amo talèn-anjomban-droae’eo ty ana’ i Eleazare, naho valo ty amo anjomban-droae’eo ty ana’ Itamare. 5 Aa le nifanjara an-kitsapake iereo, ty raike naho ty ila’e vaho songa nanañe mpiaolo amy toetse masiñey naho mpiaolo aman’ Añahare o ana’ i Eleazareo naho o ana’ Itamareo. 6 I Semaià, ana’ i Netanele, nte-Levý, mpanokitse, ty nanokitse iareo añatrefa’ i mpanjakay naho o mpiaoloo naho i Tsadoke mpisoroñe naho i Akimelek’ ana’ i Abiatare naho o talèn-droaem-pisoroñeo vaho o nte-Levio; rinambe ami’ty anjomban-droae raike ty ho a i Ele­azare vaho rinambe ami’ty ila’e ty ho a Itamare. 7 Ty tsapake valoha’e niazo Iehoiaribe, ty faharoe, Iedaià; 8 ty faha-telo i Karime, ty fah’efatse, i Seorime, 9 ty faha-lime i Malkiià, ty fah’ eneñe, i Miiamine, 10 ty faha-fito, i Hakotse, ty faha-valo i Abiià, 11 ty faha-sive, Iesoà, ty faha-folo, i Sekanià, 12 ty faha-folo-raik’ amby, i Eliasibe, ty faha-folo-ro’ amby, Iakime, 13 ty faha-folo-telo’ amby, i Kopà, ty faha-folo-efats’ amby, Iesebeabe, 14 ty faha-folo-lim’ amby, i Bilgà, ty faha-folo-eneñ’ amby, Imere, 15 ty faha-folo-fito’ amby, i Kezire, ty faha-folo-valo’ amby, i Hapitsetse, 16 ty fahafolo-siv’ amby, i Peta­kià, ty faha-roapolo, Iekezkele 17 ty faha-roapolo-raik’ amby Iakine, ty faha-roapolo-ro’ amby, i Gamole, 18 ty faha-roapolo-telo’ amby i Delaià, ty faha-roapolo-efats’ amby i Mahazià. 19 Zay o firimboña’ iareoo naho ty fila­haram-pitoroña’ iareo añ’anjomba’ Iehovà ao, ty amy lily natolotse am-pità’ i Aharone rae’ iareoy, i nan­dilia’ Iehovà Andrianañahare’ Israeley.

20 Aa naho o ana’ i Levý nisisao: amo ana’ i Amrameo: i Sobaele; amo ana’ i Sobaeleo, Iedeià. 21 Le i Rekabià, amo ana’ i Rekabiào: Ies’sià ty talè. 22 Amo nte-Iitsehareo, i Selomote; amo ana’ i Selomoteo, Iakate, 23 Amo ana’ i Kebroneo, Ierià talè; faharoe i Amarià, fahatelo Iakaziele, fah’ efatse Iekameame. 24 Amo ana’ i Oziele, i Mikà; amo ana’ i Mikào, i Samire. 25 Rahalahi’ i Mikà t’Ies’sià: amo ana’ Ies’siao: i Zekarià; 26 o ana’ i Merarìo: i Maklý naho i Mosý; o anan’ ana’ Iaaziào; 27 toe o ana’ i Merarìo amy ana’e Iaaziày, i Sohame naho i Zakore vaho Ivrý. 28 Amy Maklý: i Eleazare, tsy nanañ’ ana-dahy. 29 Amy Kise: o ana’ i Kiseo, Ierakmeele. 30 O ana’ i Mosio; i Maklý naho i Edere vaho Ierimote. Ie ro ana’ o nte-Levio ty amo anjomban-droae’eo. 31 Nifanao kitsapake ka iereo manahake o longo’ iareo ana-dahi’ i Aharoneo, añatrefa’ i Davide mpanjaka naho i Tsa­­doke naho i Akimeleke naho o talèn’ anjomban-droaem-pisoroñeo naho o nte-Levio—o talèn-droaeo naho o zai’eo.