71
71-küy •••• Ⱪeriƣanda eytⱪan dua
1 Sǝndin, Pǝrwǝrdigardin panaⱨ tapimǝn;
Meni ⱨǝrgiz yǝrgǝ ⱪaratmiƣaysǝn. ■ Zǝb. 22:5; 25:2, 3; 31:1-3; Yǝx. 49:23
2 Ɵz ⱨǝⱪⱪaniyliⱪingda meni ⱪutuldurƣaysǝn;
Manga ⱪulaⱪ salƣaysǝn,
Meni ⱪutⱪuzƣaysǝn!
3 Manga ɵzüm daim panaⱨlinidiƣan turalƣu ⱪoram tax bolƣaysǝn;
Sǝn meni ⱪutⱪuzuxⱪa buyruⱪ qüxürgǝysǝn;
Qünki Sǝn egiz texim, ⱪorƣinimdursǝn.
4 Hudayim, meni rǝzillǝrning ⱪolidin,
Ⱨǝⱪⱪaniyǝtsiz, rǝⱨimsiz adǝmdin azad ⱪilƣaysǝn;
5 Qünki Sǝn mening ümidimdursǝn, i Rǝb Pǝrwǝrdigar,
Yaxliⱪimdin tartipla mening tayanqimdursǝn;
6 Baliyatⱪudiki waⱪittin baxlap mǝn Sanga tayinip kǝldim,
Ɵzüng meni anamning ⱪarnidin qiⱪarƣuqisǝn;
Mǝdⱨiyǝmning temisi bolsa ⱨǝrdaim Sǝn toƣruluⱪtur.□ «Ɵzüng meni anamning ⱪarnidin qiⱪarƣuqisǝn» — baxⱪa birhil tǝrjimisi: — «Anamning ⱪarnidila meni asriding».
7 Mǝn nurƣunlarƣa ƣǝyriy yaki karamǝt sanaldim;
Qünki Sǝn mening mustǝⱨkǝm panaⱨgaⱨimdursǝn. □ «Mǝn nurƣunlarƣa ƣǝyriy yaki karamǝt sanaldim; qünki Sǝn mening mustǝⱨkǝm panaⱨgaⱨimdursǝn» — demǝk, Dawutning tarihi nurƣun adǝmlǝrgǝ Hudaning wǝdisidǝ turidiƣanliⱪini ispatliƣan wǝ Hudaƣa tayinixⱪa riƣbǝt bolƣan.
8 Aƣzim kün boyi mǝdⱨiyiliring ⱨǝm xan-xǝripinggǝ tolidu;
9 Əmdi ⱪeriƣinimda meni taxlimiƣaysǝn;
Maƣdurum kǝtkinidǝ, mǝndin waz kǝqmigǝysǝn.
10 Qünki düxmǝnlirim manga ⱪarxi sɵzlixidu;
Jenimni elixⱪa kɵzlǝwatⱪanlar ⱪǝstlixip: —
11 «Huda uningdin waz kǝqti;
Uni ⱪoƣlap tutuwelinglar,
Qünki ⱪutuldurudiƣanlar yoⱪtur» — deyixidu.
12 I Huda, mǝndin yiraⱪlaxmiƣaysǝn;
I Hudayim, manga yardǝmgǝ tez kǝlgǝysǝn!
13 Jenimƣa küxǝndǝ bolƣanlar xǝrmǝndǝ bolup yoⱪitilisun;
Ziyinimƣa intilgǝnlǝr rǝswaliⱪ ⱨǝm xǝrmǝndiqilik bilǝn ⱪaplansun;■ Zǝb. 35:4, 26; 40:14-15; 70:2-3
14 Biraⱪ mǝn bolsam, izqil ümidtǝ bolimǝn,
Seni tehimu mǝdⱨiyilǝymǝn.
15 Ⱨǝⱪⱪaniyliⱪing, nijatliⱪing aƣzimda kün boyi bayan ⱪilinidu;
Bular san-sanaⱪsizdur, bilginimdin kɵp artuⱪtur.
16 Mǝn Rǝb Pǝrwǝrdigarning büyük ixlirini jakarliƣan ⱨalda kelimǝn;
Sening ⱨǝⱪⱪaniyliⱪingni yad etip jakarlaymǝn —
Pǝⱪǝt Seningkinila!□ «Mǝn Rǝb Pǝrwǝrdigarning büyük ixlirini jakarliƣan ⱨalda kelimǝn» — baxⱪa birhil tǝrjimisi: «Mǝn Rǝb Pǝrwǝrdigarning zor ⱪudriti bilǝn alƣa mangimǝn».
17 I Huda, Sǝn yaxliⱪimdin tartip manga ɵgitip kǝlgǝnsǝn;
Bügüngǝ ⱪǝdǝr Sening ⱪilƣan karamǝt ixliringni jakarlap keliwatimǝn.
18 Əmdi ⱨazir mǝn ⱪerip, aⱪ qaqliⱪ bolƣinimda, i Huda,
Mǝn bu dǝwrgǝ küqlük bilikingni jakarliƣuqǝ,
Kelǝr ǝwladning ⱨǝmmisigǝ ⱪudritingni ayan ⱪilƣuqǝ,
Meni taxliwǝtmigǝysǝn!
19 I uluƣ karamǝt ixlarni ⱪilƣan Huda,
Ⱨǝⱪⱪaniyliⱪing pǝlǝkkǝ taⱪaxti;
Sanga kimmu ohxax bolalisun!
20 Sǝn manga kɵp ⱨǝm eƣir külpǝtlǝrni kɵrsǝtkǝnikǝnsǝn,
Meni ⱪaytidin yengilaysǝn, yǝr tǝgliridin ⱪayturup elip qiⱪisǝn;
21 Sǝn mening izzǝt-ⱨɵrmitimni tehimu yuⱪiri ⱪilip,
Ⱨǝr tǝrǝptin manga tǝsǝlli berisǝn.
22 Mǝn Seni rawab qelip mǝdⱨiyilǝymǝn,
Sening ⱨǝⱪiⱪitingni mǝdⱨiyilǝymǝn, i Hudayim;
Qiltar qelip Seni küylǝymǝn, i Sǝn, Israilning Muⱪǝddisi!□ «Mǝn Seni rawab qelip mǝdⱨiyilǝymǝn» — «rawab» muxu yǝrdǝ rawabⱪa intayin ohxap ketidiƣan bir hil saz.
23 Sanga küylǝr eytⱪinimda, lǝwlirim tǝntǝnǝ ⱪilidu,
Ɵzüng ⱨɵrlükkǝ qiⱪarƣan jenimmu xundaⱪ roⱨlinip eytidu;
24 Tilim kün boyi ⱨǝⱪⱪaniyliⱪing toƣrisida sɵzlǝydu;
Qünki manga yamanliⱪ ⱪilmaⱪqi bolƣanlar yǝrgǝ ⱪaritilip rǝswa ⱪilinidu.
■71:1 Zǝb. 22:5; 25:2, 3; 31:1-3; Yǝx. 49:23
□71:6 «Ɵzüng meni anamning ⱪarnidin qiⱪarƣuqisǝn» — baxⱪa birhil tǝrjimisi: — «Anamning ⱪarnidila meni asriding».
□71:7 «Mǝn nurƣunlarƣa ƣǝyriy yaki karamǝt sanaldim; qünki Sǝn mening mustǝⱨkǝm panaⱨgaⱨimdursǝn» — demǝk, Dawutning tarihi nurƣun adǝmlǝrgǝ Hudaning wǝdisidǝ turidiƣanliⱪini ispatliƣan wǝ Hudaƣa tayinixⱪa riƣbǝt bolƣan.
■71:13 Zǝb. 35:4, 26; 40:14-15; 70:2-3
□71:16 «Mǝn Rǝb Pǝrwǝrdigarning büyük ixlirini jakarliƣan ⱨalda kelimǝn» — baxⱪa birhil tǝrjimisi: «Mǝn Rǝb Pǝrwǝrdigarning zor ⱪudriti bilǝn alƣa mangimǝn».
□71:22 «Mǝn Seni rawab qelip mǝdⱨiyilǝymǝn» — «rawab» muxu yǝrdǝ rawabⱪa intayin ohxap ketidiƣan bir hil saz.