1 Pakaihi kelngoi chin a eichingpa ahin, keiman kangai chat jouse kaneiye. 2 Aman hamhing dumlah lah a kelngoi bangin eikicholdo sahjin, kilinglou hel twiveina pang dungah eipuilei. ✡ Rev 7:17 3 Pakaiyin katha akiledoh ji. Amintheng khohsahna jal'in lamdih lang jenga eipuilen ahi. 4 Thimjinapen phaicham palgalkai jongleng keima kichaponge, ajeh chu nangman naum jing in nateng gol le namoljol chun neihongin neilhamon jinge. 5 Kamelmate masangtah jenga jong nangin kaneh ding ankong neiluipeh in, naphat theina thao kalujangah neinupeh in kadon ding khonjong phattheina aletset in ahi. 6 Tahbeh in phatna le hepinan kahinkho lhunkeiya eijui jingding ahi, chuleh keijong tonsot na Pakai in sunga kachenjing ding ahi.