1 Ai Samol mi Lapalap, ifa ükükün fansoun om kopwe manlükieila?

Ifa usun, kopwe manlükieila tori feilfeilachök?

Ifa ükükün fansoun om kopwe aopala mesom seniei?

2 Ifa ükükün fansoun ai üpwe engila fän ai weires?

Ifa ükükün fansoun lelukei epwe riaföü lerän me lepwin?

Ifa ükükün fansoun än chon oputaei repwe nemenieila?

3 Ai Samol mi Lapalap, kopwe nenengeniei o pälüeniei.

Kopwe apöchökülaei, kosap mwütätä ai üpwe mäla.

4 Kosap mwüt ngeni ekewe chon oputaei pwe repwe apasa, “Aia akufu ätewe.”

Kosap mwüt ngeni ekewe chon pälüeniei repwe takiriei ren ai tumwula.

5 Nge üa anomu ai apilükülük won om tong ellet,

üpwe pwapwa ren om amanauaei.

6 Ngang üpwe köl ngonuk, ai Samol mi Lapalap,

pun ka fokun eäni kirikiröch ngeniei.