100
Kebuac womonnu kenni
Ubangerecseseac mitiyegec.
1 Bangec sasawa, ngeni KEBU dendzerenggema sogac sogai yegec heimibisia. 2 Ngeni KEBU ubangerecgoc kingang kpemima sogac sogaiac yegecgoc yeac kicfu habisia. 3 KEBU ye Anutu, ngeni imoc negembisia. Yennoc meficnunuma menunuu nenang yeac ngicngac areng andimbe. Nga yeac ngicngac areng amma yeac rama habufora amma yeac oda manau kecdimbe. 4 Ye ubangerec ammima yeac nagutoau embesonga amma ama sobengau dedengerecac yegec heibesonga. Yeac ubangerec dema yeac kpac kuneng kenehebesonga.* Anutungo meficnunuu nenang bangecngicngacnec yumia kecma Anutuac kenecyoac debisina, yoac imoc mitikibiu homac fede nga yeng faka imocac negenu ngereeude. (Fingec fingec 9:26, 14:20, 24:48, Mitiyegec 16:7, 26:12, 103:22 nga goa homac fede.)
5 KEBU ye gombunga. Yeng yoac dedzege amma imoc modackecde, fakaya imoc nasoya nasoya feengkefude. Ye yoara modackecde, imocngo fingecsahengina fekefudesoc, yenearu feengkefude.
*100:4: Anutungo meficnunuu nenang bangecngicngacnec yumia kecma Anutuac kenecyoac debisina, yoac imoc mitikibiu homac fede nga yeng faka imocac negenu ngereeude. (Fingec fingec 9:26, 14:20, 24:48, Mitiyegec 16:7, 26:12, 103:22 nga goa homac fede.)