53
Kuyie nyí boɑ̀?
(Wéntɛ́ 14)
1 Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀ kɛ eu fɛtɑ̃rifɛ.
2 Kuyɛìnkù kuù ɔ̃ɔ̃ yĩ́ nɛ̀ ku yɛ̀mmɛ̀ miɛkɛ Kuyie nyí bo.
Bɛ̀ cɑ̀kɛmu kɛ dɔɔri isɔkɛ kpɛrɛ,
bɛ miɛkɛ òmɔù í dɔɔri dɛ̀ɛ̀ wenni.
3 Kuyie mbo kɛĩ́nkɛ̀ nkɛ kɛ wúónní bɛnìtìbɛ̀,
kɛ bo yɑ̀ kòò mɔù bo wèè mɔ̀kɛ mɛyɛ̀mmɛ̀ kɛ kù wɑnti.
4 Bɛmɔu bɛ̀ dɛ̀tɛ́nɛ̀ Kuyie nku,
bɛmɔu bɛ̀ cɑ̀kɛmu,
òmɔù í dɔɔri mɛsɑ̀ɑ̀ mbɑ́ omɑ́ɑ̀.
5 Bɛ̀ɛ̀ dɔ̀ɔ̀ri mɛyɛi mbɛtɔbɛ̀ bɛ̀ í yɛ̃́ dɛ̀mɑrɛ̀,
bɛ̀ soú n kɔbɛ mbɛ kɛ yo,
bɛ̀ í n yu mí nKuyie.
6 Ntɛ bɛ kɛ̀ kufɔ̃wɑɑ́ mbɛ̀ ɑutɛ́ dɛtetìrɛ̀,
Kuyie nyóó díɛ́mu ɑ dootitɔbɛ̀ kṹɔ̃̀,
kɑ̀ɑ bɛ̀ ɑ̃nnɛ́ ifɛi,
kɛ yɛ̃́ Kuyie mbɛ̀ bɔntóomɛ̀mu.
7 We nyóó yɛ̀nní Siyɔ̃ɔ̃ kɛ́dɛɛtɛ́ Isidɑyɛɛribɛ?
Kuyie mbo fietɛní dìì mɔ̀nnì ku kɔbɛ bɛ̀ɛ̀ tu tidɑɑtì,
dɛ̀ bo nɑrikɛ Sɑkɔbu kɔbɛ,
Isidɑyɛɛribɛ bo nyɑ̃nku.