130
1 Senhor, yy typyve etea gui ajapukai ndevy.
2 Senhor, endu ke ajapukaia!
Ndevy pe ajerurea re ejapyxaka pota ke.
3 Senhor, rojejavyague re reikuaa pota va'e rire
mava'e 'rãgue tu oo jepe?
4 Ha'e rami avi ndere oĩ oreperdoa aguã,
nerenonde rojererokyjea rupi roiko aguã.
5 Xee ma arõ aikovy Senhor,
xenhe'ẽ py arõ ijayvuague rupi.
6 Tetã rarõa kuery ko'ẽ aguã re ojapuraa gui
xenhe'ẽ py Senhor arõve.* Ha'e va'e jave py pytũ mbukukue re tetã rarõa kuery opyta 'rã ikora áry, ngovaigua kuery ovaẽ rã oexa aguã.
Harõa kuery ko'ẽ aguã re ojapuraa gui
7 Israel kuery toarõve Senhor.
Mba'eta Senhor re oĩ nhomboaxy aguã,
opa mba'e gui joepy aguã guive.
8 Ha'e ae ma ogueraa jepe 'rã Israel kuery
heko vai ha'e javi gui.
Nhanderuete re vy japytu'u aguã regua
Oguataa rupi ikuai va'e oporaei aguã Davi ombopara va'ekue.
*130:6 Ha'e va'e jave py pytũ mbukukue re tetã rarõa kuery opyta 'rã ikora áry, ngovaigua kuery ovaẽ rã oexa aguã.