8
Ena nenaa- cana rai, Cana Coauneraacha teeni terateraneein niha Jesoso ne.
1 Nii cana rai saseredote curuaanaacuru Curuaanaa- caa inara rai ereereecaaunne jaante- jataain itolere amurijiriin nelateineein Cana Coaunera rijijieein nihane jaun, Cana Coaunera nelaurihanaja raotono nichajai que nelauriaelu Cana Coaunera rohan. 2 Acate cana rai esinae rauhijiriin saseredote esine neein Cana Coaunera ichanohineein nenaa- santuario cuhane neein, Cana Coaunera rene cacha turuaeraneein ne. Coatiha aihuruha leeochaauru saseredotecurune rijijieein, raajenihane cacha ichanohineein nenaa- santuario cuhane nihei. 3 Satiin saseredotecuru Cana Coaunera rai chaaelai teraneein, inihocuru mocohin teranihane coina cocoainanohi nihane jaunte, Jesocurisito netonai nii rijijieein cana osa coreniha raajenihane netelu atinaauruhane coina. 4 Coatiha caa chauratane caje nenaa nihane, saseredote nenaa nainerihei. Inae caa chauratane que arajiin neeuruha saseredotecuru, Moisesa rai rauhi cuhane aitohane rijijieein niqui, Cana Coaunera rai nii Teenforo asaae lenonecuru sohin mocooruhane coina. 5 Nii saseredotecurute, nechu dedeeu ichacuruhane cojunacaneein nitohanei icharaneein neeurelu. Canate esinae rauhijiriin, nechu dedeeu nenacaauru rijijiei icharaneein ichacuruhane coitucuhacache, santuario ichaa Moisesane coina rai: “Aonaaun. Nii ichei ichatane ucuunno coaaratihanulune rijijieein ichaaura,” naalu rai Cana Coaunerane caje. 6 Nete cana rai saseredote laen, jataain nii leeochaauru amurijiriin, jataain cana rai caohacha ichaain, cana rai tihane coina aitohalu Cana Coaunerane rijijieein, Cana Coaunera rene cana turuaeraneein ne.
7 Bana caohachaain cachaauru ichao rucuhena nainiha, nii jauriaanejeein nenaa Cana Coauneraacha teine, coatiha neriheilu Jesocurisito caa ena niicha tei ichaane coina.
8 Nete nii jauriaanejeein niicha tei rijijieein neeureniha cachaaurune jaun:
“Inae cojoanonaa que turuhane banane,
Isaraeli, Jodaa, naaonjoainuri aina,
enachasine canuhacha ichaneni
ichareeunnicha.
9 Nii ena acaauru aina
canuhacha ichanenu,
coatiha
Egipto batane caje
acaauru foerateracuru
rocohanulune coina,
canuhacha ichailu rijiirinaai.
Nene,
nii acaauru aina
canuhacha ichanenu
tonoraelanaala
ichaaoruhane jaun,
acaauru que jaolecoonlu.
10 Nii caa baiha Isaraeli aina
canuhacha ichanenute,
acaauru suujua cuhane laenanohineein niha
Canu rai rauhine,
suujua caje coaauneein
coitucuuruhane coina
canuhacha ichanenu ne,
Canu,
acaauru Coauneraneein
nihanune coitucuhin,
canu cachaneein neeuruhane coina.
11 Nii bana,
inae le cachaauru,
leeochaauru,
acaauru laurichuru,
acaauru araaichuru,
naaonjoainuri,
inae Canu que
ita relaauruhane latelanaalate,
Canu,
acaauru Coaunera nichaaunne
coitucuurureein
satiin ichauhenaauru,
canaanaihunru,
naaonjoainuri.
12 Nii banane
baaso ichacuruhane que casuujua acateein,
acaauru osa que canu suujua acatereeunni,”
naelu Cana Coaunera.
13 Nii cana rai nacoauneein enachasine niicha ichanenu biha Cana Coauneranete, inae chaque nelatelanaala nitaje rai niha nii jaurihaanejeein niicha ichanenune coitucueratiha aite.