149
1 ¡Guliʼcuʼë yöl-laʼ ba Xanruʼ!
¡Guliʼgul-la queëʼ Xanruʼ Dios tu le cubi,
en guliʼgul-la yöl-laʼ ba queëʼ ga nudúbigaca nupa néquiguequi quez queëʼ!
2 Ral-laʼ uluʼzíʼ xibë́ʼ Xanruʼ Dios bönachi Israel,
tuʼ náquiëʼ Nu ben léguequi.
Ral-laʼ uluʼdzéjalen Dios nupa nacuáʼ Sión,
tuʼ náquiëʼ Nu rinná beʼe léguequi.
3 Ral-laʼ ilaʼgúʼu yöl-laʼ ba La laʼayi queëʼ,
en lu yöl-laʼ rudzeja uluʼyáʼa lahuëʼ.
Ral-laʼ ilúl-la yöl-laʼ ba queëʼ, ilaʼcapaʼ lëʼe guídi,
en ilaʼquínni lë́ʼegaca bihuë́l-ladoʼ,
4 tuʼ raza ládxëʼë Xanruʼ Dios bönachi queëʼ.
Uchisëʼ nupa taʼguíʼi taʼzacaʼ, en usölë́ʼ léguequi.
5 Nupa néquiguequi quez queëʼ ral-laʼ uluʼdzeja ládxiʼgaca lu beníʼ queëʼ.
Lu yöl-laʼ rudzeja quéguequi ral-laʼ ilúl-la queëʼ cateʼ niʼ dë́gaca lu le rátiʼgaca.
6 Yöl-laʼ ba queëʼ Xanruʼ Dios ral-laʼ sóaticaʼsö ruíʼiguequi,
en tu guíë tuchiʼ natuchiʼ iropa laʼa lu náʼagaca,
7 para uluʼzíʼ lëbi bönachi yuguʼ yödzö izáʼa,
en ilún xiguiaʼ bönachi izáʼa naʼ,
8 para ilúguëʼë breguiʼ guíë náʼagaquiëʼ bönniʼ taʼná béʼenëʼ bönachi yödzö izáʼa naʼ,
en uluʼcuʼë breguiʼ guíë yen náʼagaquiëʼ bönniʼ lo quégaquiëʼ,
9 para ilunëʼ quéguequi ca nachuguëʼ Dios gaca quéguequi.
Naca lë ni le run bal nupa néquiguequi quez queëʼ Dios.
¡Guliʼcuʼë yöl-laʼ ba Xanruʼ!