132
परमप्रभु आ खिं आ पर्बम पुंइशो
लां ङा कुम्सो।
1 परमप्रभु यावे दाऊद कली फ्रुक्कीन। मेको आ श्येत फाल्शो नेल्ल मिम्तीन। 2 मेकोमी परमप्रभु यावे आ नेंम कसम जशो बाक्त। मिनु याकूब आ नेल्ल क्येङा सक्ति पाइश्शो आ नेंम कसम जाप्तु। 3 गो आं खिं मओव़नुङ। मिनु आं ब्राख्येम मइप्नुङ। २सामुएल ७:२; प्रेरित ७:४६ 4 गो निन्द्रा मपाइनुङ। गो मइप्नुङ। 5 मारदे मोदेंशो पाइनुङ देंशा हना, गो याकूब आ नेल्ल क्येङा सक्ति पाइश्शो आ बाक्तीक मथिदु, सम्म मो पाइनुङ।
6 गोपुकीमी एफ्राथाहमी परमप्रभु यावे आ कबल पशो सन्दोस आ पर्बम नेंतय। मिनु गोपुकीमी मेको यार सहर ङा दिंमम थित्तय। १सामुएल ७:१; १इतिहास १३:५-६ 7 गो मेको आ बाक्तीक लय। मिनु मेको आ खोइल थेक्तीक आ ङोंइती बाप्य।
8 परमप्रभु यावे बोक्कीन, इन नाइश्शा बाक्तीके नु इन सक्ति पाइश्शो कबल पशो सन्दोस बाक्तीकेम जाक्कीन। गन्ती १०:३५; २इतिहास ६:४१; भजन संग्रह ७८:६१ 9 इन कली चढ़ेबपुकीमी ठीक पतीके वा फेक्शो खोदेंशो पा फेक्समल। मिनु इन मुरपुकी ठेयब सेंदा पा ग्येरसमल। 10 इन गेय पाइब दाऊद आ पर्बम इन तेल लुक्शो कली मप्रोनीन।
11 परमप्रभु यावेमी दाऊद नु लोव़ पा कसम जशो बाक्त। मेकोमी “गो इ सासन पतीकेमी इ तौ का वोइक्नुङ” दे लोव़ पशो बाक्त। परमप्रभु यावेमी आ पशो लोव़ खाप्ब। भजन संग्रह ८९:४-५; हिब्रू ६:१७ 12 मेकोमी “इ तौपुकीमी आं कबल नु आं देंशो पाम्तेक्म हना, मेको आन तौपुकी यो इ सासन पतीकेम सासन पचा ताइनीम” देंशो बाक्त।
13 परमप्रभु यावेमी सियोन कली योव़शो बाक्ब। “आं बाक्तीके मेकेर बाक्ब” दे मिम्शो बाक्ब। भजन संग्रह ६८:१७; भजन संग्रह ७६:३ 14 मिनु परमप्रभुमी “एकेर नाइक्नुङ। एकेर गेना हना यो बाक्नुङ, मारदे हना गो मेको दाक्नुङ। 15 मिनु गो मेकेर ङा मुर आन कली शुश जचा तूचा गेशा, आसीक गेनुङमी। प्रुङग आन कली रूथ्री जचा गेनुङमी। 16 गो मेकेर ङा चढ़ेब आन कली मरिम्शो पतीके रे ब्रोंइतीक दोदेंशो बाक्बा तुइक्पाइक्नुङमी। मेकेर ङा थमा सुइक्बपुकी कुम्सो पा ग्येरसीनीम। 17 गो मेकेर दाऊद आ खिं ङा मुर आन मान बारपाइक्नुङ। आं तेल लुक्शो मुर कली रिम्शो तौ का गेता। १सामुएल २:१०; १राजा ११:३६ 18 गो मेको आ जोरी सत्रु आन कली मुने तोक्नुङमी। मिनु मेको रिम्शो पा सासन पाइब दुम्ब” दे परमप्रभुमी देंत।