1 ¡Xijpaquilismacaca TOTECO!

Xijpaquilismacaca TOTECO ipan itiopa.

Xijpaquilismacaca nepa ipan ilhuicac cati yaya quichijchijqui ica ihueyi chicahualis.

2 Xijpaquilismacaca por nochi nopa huejhueyi tamanti cati yaya quichihua.

Xijpaquilismacaca pampa tahuel hueyi ichicahualis.

3 Xijpaquilismacaca ica tapitzali,

Xijpaquilismacaca ica guitarra huan ica arpa.

4 Xijpaquilismacaca ica panderos huan ximijtotica.

Xijpaquilismacaca ica nochi tamanti tatzotzonali cati quipiyaj cuerdas,

huan ica acatapitzali.

5 Xijpaquilismacaca ica platillos cati cuajcualtzi tzilinij.

6 Nochi cati yoltoque ma quipaquilismacaca TOTECO.

¡Xijpaquilismacaca!