70
1 Xeruete, xereraa jepe ke.
Ejapura ke Senhor, xerepy aguã.
2 Tove xerekove oipe'axe va'e toxĩmba,
oxĩmbaa anho toendu.
Ajexavaia re ovy'a rei va'e kuery
oxĩmba reve tojevypa guakykue katy.
3 Tove ovy'a rei va'e xevy “Ha'evea rami! Ha'evea rami!”
he'i va'e kuery toguevipa.
4 Ha'e rã ndereka va'e kuery ha'e javi ma tandererovy'a oporaei reve.
Rejogueraa jepea oguerovy'a va'e
“Nhanderuete ima'endu'a porãmby toiko!” te'i riae okuapy.
5 Ha'e gui xee ma iporiaukue'i, ojexavai rei va'e aiko.
Xeruete, ejapura xerepy aguã.
Ndee ma xepytyvõa ha'e xerepyarã.
Senhor, ndeare eme ke!