131
Pray Cuz You Trus God
Song fo sing wen you go up to da Temple Fo God, one David kine song
1 Eh! You Da One In Charge!
I no mo one big head,
I no ack high makamaka.
I no try fo do big kine tings,
O tings dat stay so awesome
I no can handle.
2 I make shua notting bodda me
Fo me res inside,
Jalike one small kid stay quiet
Wen he stay wit his muddah.
Inside, I feel jalike dat small kid.
3 You Israel peopo,
Wait fo Da One In Charge help you,
Cuz you know he goin help you,
Now an foeva.