1 Pakantay no atavo a kavahayan a masoyosoyot do Dios! 2 Payserbian o Dios a oyod a masoyosoyot as kangay ta do salapan na a makakanta!

3 Sincharan nio o Dios. Iya o minamaog diaten as iya o taydira diaten. Tawotawo na yaten as iya o machonong diaten.

4 Somdep kamo do templo na a rakoh so kapamahemahes as maypasngen kamo a omdaday sia. Pamahmahsan nio sia as kadaday nio sia. 5 Ta no Dios am oyod a mapia, ta mabdibdis ava o kasisien na as patongtongen na o atavo a promisa na sa do atavo a henerasion.