1 Ba Israel i ga irop kan Aigipto,

Ra kuba i Iakob kan ra tarai ba i enana kadia tinata;

2 Ra Luluai i ga pilak pa Iuda upi kana pal tabu,

Ma Israel upi kana pakana ba i varkurai tana.

3 A ta i gire ma i lop,

Iordan i alir murmur.

4 A umana buabuana dia pil da ra me, a tomotoina,

A umana ilil da ra nat na sip.

5 U ti dave ra ta, tago u lop?

U Iordan, u dave, tago u alir murmur?

6 I dave avat a umana buana, tago ava pipil da ra me?

Avat a umana ilil, tago ava pipil da ra umana nat na sip?

7 U ra rakarakan a gunagunan, una dadadar, tago ra Luluai i bang ati;

Tago ra God kai Iakob go kari;

8 Nina i pukue ra vat ki upi ra kabipolo,

Ma ra dekdek na vat upi ra mata na tava.