1 Ave ga ki ta ra papar a tava alir Babilon,

Ave ga kiki, maia, ave ga tangtangi,

Ba ave ga nuk pa Sion.

2 Ave ga vakaite kaveve umana pagol

Ta ra umana iara i tur tana.

3 Tago diat dia ga ben vavilavilau avet dia ga mainge ra umana kakailai ta vevet,

Ma diat dia vakavakaina avet dia ga mainge ba avet a gugu, ma dia ga biti:

Avat a kakaile ta umana kakailai Sion ta vevet.

4 Avet a kaile davatane ra kakailai kai ra Luluai

Ta ra gunan na vaira?

5 Tumu iau valubane u, Ierusalem,

Boina ba na li ka ra limagu tuna;

6 Ona pa iau nuk pa u,

Boina ba ra karameagu na ki petep ta ra ul a ngiegu;

Ona pa iau manga mainge Ierusalem

Ta ra lavur magit iau gugu ta diat.

7 Luluai, una nuk pa ra bung u Ierusalem,

Ure ra umana natu i Edom,

Nina dia ga biti: Re vue, re vue,

Maia, na tuk tar ta ra vunapaina.

8 U natu i Babilon, u a tena varli,

Na ti doan nina ba i bali ia tam

Ra magit u ga pait ia ta vevet.

9 Na ti doan nina ba na puak pa kaum umana kuramana,

Ma na rapue diat ta ra vat ki.