1 Iehova ba hanamoa, badina be ia na namo;

2 Dirava edia Dirava ba hanamoa;

3 Lohia edia Lohia ba hanamoa;

4 Sibona hoa bada karadia e karamu Diravana ba hanamoa;

5 Ena aonega amo guba e karaia;

6 Tanobada na davara latadiai e idia roro;

7 Diari ḡaudia badadia e karadia;

8 Dina tara ese dina e biaguamu;

9 Hua bona hisiu ese hanuaboi e biaguamu;

10 Aigupto ai natu-roboadia e aladia mase Diravana ba hanamoa;

11 Idia bogaragidia amo Israel e hakaudia lasi;

12 Imana na mai goadana ida e toia roro;

13 Davara Kakakakana e hapararaia;

14 Israel taudia na bogaragina amo e harakadia hanai;

15 A Farao bona ena tuari oreana na Davara Kakakakana ai e hadareredia;

16 Ena orea taudia na tano ḡaḡaena amo e hakaudia hanai;

17 Pavapava badadia e aladia;

18 Bona pavapava mai haridia e aladia mase;

19 Sihon, Amoro pavapavana;

20 Bona Og, Basan pavapavana;

21 Bena edia tano na haida e henidia, bae ḡaunaia;

22 Ena hesiai tauna Israel ese e ḡaunaia;

23 Ia ese e laloda tao eda noho dika ai;

24 Bona inaidia imadia amo e harohoda mauri;

25 Ia ese mauri ḡaudia iboudiai adia e henidiamu;

26 Guba Diravana ba hanamoa;