Ⅸ
Ⅰ තතඃ පරං ස ද්වාදශශිෂ්‍යානාහූය භූතාන් ත්‍යාජයිතුං රෝගාන් ප්‍රතිකර්ත්තුඤ්ච තේභ්‍යඃ ශක්තිමාධිපත්‍යඤ්ච දදෞ|
Ⅱ අපරඤ්ච ඊශ්වරීයරාජ්‍යස්‍ය සුසංවාදං ප්‍රකාශයිතුම් රෝගිණාමාරෝග්‍යං කර්ත්තුඤ්ච ප්‍රේරණකාලේ තාන් ජගාද|
Ⅲ යාත්‍රාර්ථං යෂ්ටි ර්වස්ත්‍රපුටකං භක්‍ෂ්‍යං මුද්‍රා ද්විතීයවස්ත්‍රම්, ඒෂාං කිමපි මා ගෘහ්ලීත|
Ⅳ යූයඤ්ච යන්නිවේශනං ප්‍රවිශථ නගරත්‍යාගපර‍්‍ය්‍යනතං තන්නිවේශනේ තිෂ්ඨත|
Ⅴ තත්‍ර යදි කස්‍යචිත් පුරස්‍ය ලෝකා යුෂ්මාකමාතිථ්‍යං න කුර්ව්වන්ති තර්හි තස්මාන්නගරාද් ගමනකාලේ තේෂාං විරුද්ධං සාක්‍ෂ්‍යාර්ථං යුෂ්මාකං පදධූලීඃ සම්පාතයත|
Ⅵ අථ තේ ප්‍රස්ථාය සර්ව්වත්‍ර සුසංවාදං ප්‍රචාරයිතුං පීඩිතාන් ස්වස්ථාන් කර්ත්තුඤ්ච ග්‍රාමේෂු භ්‍රමිතුං ප්‍රාරේභිරේ|
Ⅶ ඒතර්හි හේරෝද් රාජා යීශෝඃ සර්ව්වකර්ම්මණාං වාර්ත්තාං ශ්‍රුත්වා භෘශමුද්විවිජේ
Ⅷ යතඃ කේචිදූචුර‍්‍යෝහන් ශ්මශානාදුදතිෂ්ඨත්| කේචිදූචුඃ, ඒලියෝ දර්ශනං දත්තවාන්; ඒවමන්‍යලෝකා ඌචුඃ පූර්ව්වීයඃ කශ්චිද් භවිෂ්‍යද්වාදී සමුත්ථිතඃ|
Ⅸ කින්තු හේරෝදුවාච යෝහනඃ ශිරෝ(අ)හමඡිනදම් ඉදානීං යස්‍යේදෘක්කර්ම්මණාං වාර්ත්තාං ප්‍රාප්නෝමි ස කඃ? අථ ස තං ද්‍රෂ්ටුම් ඓච්ඡත්|
Ⅹ අනන්තරං ප්‍රේරිතාඃ ප්‍රත්‍යාගත්‍ය යානි යානි කර්ම්මාණි චක්‍රුස්තානි යීශවේ කථයාමාසුඃ තතඃ ස තාන් බෛත්සෛදානාමකනගරස්‍ය විජනං ස්ථානං නීත්වා ගුප්තං ජගාම|
Ⅺ පශ්චාල් ලෝකාස්තද් විදිත්වා තස්‍ය පශ්චාද් යයුඃ; තතඃ ස තාන් නයන් ඊශ්වරීයරාජ්‍යස්‍ය ප්‍රසඞ්ගමුක්තවාන්, යේෂාං චිකිත්සයා ප්‍රයෝජනම් ආසීත් තාන් ස්වස්ථාන් චකාර ච|
Ⅻ අපරඤ්ච දිවාවසන්නේ සති ද්වාදශශිෂ්‍යා යීශෝරන්තිකම් ඒත්‍ය කථයාමාසුඃ, වයමත්‍ර ප්‍රාන්තරස්ථානේ තිෂ්ඨාමඃ, තතෝ නගරාණි ග්‍රාමාණි ගත්වා වාසස්ථානානි ප්‍රාප්‍ය භක්‍ෂ්‍යද්‍රව්‍යාණි ක්‍රේතුං ජනනිවහං භවාන් විසෘජතු|
ⅩⅢ තදා ස උවාච, යූයමේව තාන් භේජයධ්වං; තතස්තේ ප්‍රෝචුරස්මාකං නිකටේ කේවලං පඤ්ච පූපා ද්වෞ මත්ස්‍යෞ ච විද්‍යන්තේ, අතඒව ස්ථානාන්තරම් ඉත්වා නිමිත්තමේතේෂාං භක්‍ෂ්‍යද්‍රව්‍යේෂු න ක්‍රීතේෂු න භවති|
ⅩⅣ තත්‍ර ප්‍රායේණ පඤ්චසහස්‍රාණි පුරුෂා ආසන්|
ⅩⅤ තදා ස ශිෂ්‍යාන් ජගාද පඤ්චාශත් පඤ්චාශජ්ජනෛඃ පංක්තීකෘත්‍ය තානුපවේශයත, තස්මාත් තේ තදනුසාරේණ සර්ව්වලෝකානුපවේශයාපාසුඃ|
ⅩⅥ තතඃ ස තාන් පඤ්ච පූපාන් මීනද්වයඤ්ච ගෘහීත්වා ස්වර්ගං විලෝක්‍යේශ්වරගුණාන් කීර්ත්තයාඤ්චක්‍රේ භඞ්ක්තා ච ලෝකේභ්‍යඃ පරිවේෂණාර්ථං ශිෂ්‍යේෂු සමර්පයාම්බභූව|
ⅩⅦ තතඃ සර්ව්වේ භුක්ත්වා තෘප්තිං ගතා අවශිෂ්ටානාඤ්ච ද්වාදශ ඩල්ලකාන් සංජගෘහුඃ|
ⅩⅧ අථෛකදා නිර්ජනේ ශිෂ්‍යෛඃ සහ ප්‍රාර්ථනාකාලේ තාන් පප්‍රච්ඡ, ලෝකා මාං කං වදන්ති?
ⅩⅨ තතස්තේ ප්‍රාචුඃ, ත්වාං යෝහන්මජ්ජකං වදන්ති; කේචිත් ත්වාම් ඒලියං වදන්ති, පූර්ව්වකාලිකඃ කශ්චිද් භවිෂ්‍යද්වාදී ශ්මශානාද් උදතිෂ්ඨද් ඉත්‍යපි කේචිද් වදන්ති|
ⅩⅩ තදා ස උවාච, යූයං මාං කං වදථ? තතඃ පිතර උක්තවාන් ත්වම් ඊශ්වරාභිෂික්තඃ පුරුෂඃ|
ⅩⅪ තදා ස තාන් දෘඪමාදිදේශ, කථාමේතාං කස්මෛචිදපි මා කථයත|
ⅩⅫ ස පුනරුවාච, මනුෂ්‍යපුත්‍රේණ වහුයාතනා භෝක්තව්‍යාඃ ප්‍රාචීනලෝකෛඃ ප්‍රධානයාජකෛරධ්‍යාපකෛශ්ච සෝවඥාය හන්තව්‍යඃ කින්තු තෘතීයදිවසේ ශ්මශානාත් තේනෝත්ථාතව්‍යම්|
ⅩⅩⅢ අපරං ස සර්ව්වානුවාච, කශ්චිද් යදි මම පශ්චාද් ගන්තුං වාඤ්ඡති තර්හි ස ස්වං දාම්‍යතු, දිනේ දිනේ ක්‍රුශං ගෘහීත්වා ච මම පශ්චාදාගච්ඡතු|
ⅩⅩⅣ යතෝ යඃ කශ්චිත් ස්වප්‍රාණාන් රිරක්‍ෂිෂති ස තාන් හාරයිෂ්‍යති, යඃ කශ්චින් මදර්ථං ප්‍රාණාන් හාරයිෂ්‍යති ස තාන් රක්‍ෂිෂ්‍යති|
ⅩⅩⅤ කශ්චිද් යදි සර්ව්වං ජගත් ප්‍රාප්නෝති කින්තු ස්වප්‍රාණාන් හාරයති ස්වයං විනශ්‍යති ච තර්හි තස්‍ය කෝ ලාභඃ?
ⅩⅩⅥ පුන ර‍්‍යඃ කශ්චින් මාං මම වාක්‍යං වා ලජ්ජාස්පදං ජානාති මනුෂ්‍යපුත්‍රෝ යදා ස්වස්‍ය පිතුශ්ච පවිත්‍රාණාං දූතානාඤ්ච තේජෝභිඃ පරිවේෂ්ටිත ආගමිෂ්‍යති තදා සෝපි තං ලජ්ජාස්පදං ඥාස්‍යති|
ⅩⅩⅦ කින්තු යුෂ්මානහං යථාර්ථං වදාමි, ඊශ්වරීයරාජත්වං න දෘෂ්ටවා මෘත්‍යුං නාස්වාදිෂ්‍යන්තේ, ඒතාදෘශාඃ කියන්තෝ ලෝකා අත්‍ර ස්ථනේ(අ)පි දණ්ඩායමානාඃ සන්ති|
ⅩⅩⅧ ඒතදාඛ්‍යානකථනාත් පරං ප්‍රායේණාෂ්ටසු දිනේෂු ගතේෂු ස පිතරං යෝහනං යාකූබඤ්ච ගෘහීත්වා ප්‍රාර්ථයිතුං පර්ව්වතමේකං සමාරුරෝහ|
ⅩⅩⅨ අථ තස්‍ය ප්‍රාර්ථනකාලේ තස්‍ය මුඛාකෘතිරන්‍යරූපා ජාතා, තදීයං වස්ත්‍රමුජ්ජ්වලශුක්ලං ජාතං|
ⅩⅩⅩ අපරඤ්ච මූසා ඒලියශ්චෝභෞ තේජස්විනෞ දෘෂ්ටෞ
ⅩⅩⅪ තෞ තේන යිරූශාලම්පුරේ යෝ මෘත්‍යුඃ සාධිෂ්‍යතේ තදීයාං කථාං තේන සාර්ද්ධං කථයිතුම් ආරේභාතේ|
ⅩⅩⅫ තදා පිතරාදයඃ ස්වස්‍ය සඞ්ගිනෝ නිද්‍රයාකෘෂ්ටා ආසන් කින්තු ජාගරිත්වා තස්‍ය තේජස්තේන සාර්ද්ධම් උත්තිෂ්ඨන්තෞ ජනෞ ච දදෘශුඃ|
ⅩⅩⅩⅢ අථ තයෝරුභයෝ ර්ගමනකාලේ පිතරෝ යීශුං බභාෂේ, හේ ගුරෝ(අ)ස්මාකං ස්ථානේ(අ)ස්මින් ස්ථිතිඃ ශුභා, තත ඒකා ත්වදර්ථා, ඒකා මූසාර්ථා, ඒකා ඒලියාර්ථා, ඉති තිස්‍රඃ කුට්‍යෝස්මාභි ර්නිර්ම්මීයන්තාං, ඉමාං කථාං ස න විවිච්‍ය කථයාමාස|
ⅩⅩⅩⅣ අපරඤ්ච තද්වාක්‍යවදනකාලේ පයෝද ඒක ආගත්‍ය තේෂාමුපරි ඡායාං චකාර, තතස්තන්මධ්‍යේ තයෝඃ ප්‍රවේශාත් තේ ශශඞ්කිරේ|
ⅩⅩⅩⅤ තදා තස්මාත් පයෝදාද් ඉයමාකාශීයා වාණී නිර්ජගාම, මමායං ප්‍රියඃ පුත්‍ර ඒතස්‍ය කථායාං මනෝ නිධත්ත|
ⅩⅩⅩⅥ ඉති ශබ්දේ ජාතේ තේ යීශුමේකාකිනං දදෘශුඃ කින්තු තේ තදානීං තස්‍ය දර්ශනස්‍ය වාචමේකාමපි නෝක්ත්වා මනඃසු ස්ථාපයාමාසුඃ|
ⅩⅩⅩⅦ පරේ(අ)හනි තේෂු තස්මාච්ඡෛලාද් අවරූඪේෂු තං සාක්‍ෂාත් කර්ත්තුං බහවෝ ලෝකා ආජග්මුඃ|
ⅩⅩⅩⅧ තේෂාං මධ්‍යාද් ඒකෝ ජන උච්චෛරුවාච, හේ ගුරෝ අහං විනයං කරෝමි මම පුත්‍රං ප්‍රති කෘපාදෘෂ්ටිං කරෝතු, මම ස ඒවෛකඃ පුත්‍රඃ|
ⅩⅩⅩⅨ භූතේන ධෘතඃ සන් සං ප්‍රසභං චීච්ඡබ්දං කරෝති තන්මුඛාත් ඵේණා නිර්ගච්ඡන්ති ච, භූත ඉත්ථං විදාර‍්‍ය්‍ය ක්ලිෂ්ට්වා ප්‍රායශස්තං න ත්‍යජති|
ⅩⅬ තස්මාත් තං භූතං ත්‍යාජයිතුං තව ශිෂ්‍යසමීපේ න්‍යවේදයං කින්තු තේ න ශේකුඃ|
ⅩⅬⅠ තදා යීශුරවාදීත්, රේ ආවිශ්වාසින් විපථගාමින් වංශ කතිකාලාන් යුෂ්මාභිඃ සහ ස්ථාස්‍යාම්‍යහං යුෂ්මාකම් ආචරණානි ච සහිෂ්‍යේ? තව පුත්‍රමිහානය|
ⅩⅬⅡ තතස්තස්මින්නාගතමාත්‍රේ භූතස්තං භූමෞ පාතයිත්වා විදදාර; තදා යීශුස්තමමේධ්‍යං භූතං තර්ජයිත්වා බාලකං ස්වස්ථං කෘත්වා තස්‍ය පිතරි සමර්පයාමාස|
ⅩⅬⅢ ඊශ්වරස්‍ය මහාශක්තිම් ඉමාං විලෝක්‍ය සර්ව්වේ චමච්චක්‍රුඃ; ඉත්ථං යීශෝඃ සර්ව්වාභිඃ ක්‍රියාභිඃ සර්ව්වෛර්ලෝකෛරාශ්චර‍්‍ය්‍යේ මන්‍යමානේ සති ස ශිෂ්‍යාන් බභාෂේ,
ⅩⅬⅣ කථේයං යුෂ්මාකං කර්ණේෂු ප්‍රවිශතු, මනුෂ්‍යපුත්‍රෝ මනුෂ්‍යාණාං කරේෂු සමර්පයිෂ්‍යතේ|
ⅩⅬⅤ කින්තු තේ තාං කථාං න බුබුධිරේ, ස්පෂ්ටත්වාභාවාත් තස්‍යා අභිප්‍රායස්තේෂාං බෝධගම්‍යෝ න බභූව; තස්‍යා ආශයඃ ක ඉත්‍යපි තේ භයාත් ප්‍රෂ්ටුං න ශේකුඃ|
ⅩⅬⅥ තදනන්තරං තේෂාං මධ්‍යේ කඃ ශ්‍රේෂ්ඨඃ කථාමේතාං ගෘහීත්වා තේ මිථෝ විවාදං චක්‍රුඃ|
ⅩⅬⅦ තතෝ යීශුස්තේෂාං මනෝභිප්‍රායං විදිත්වා බාලකමේකං ගෘහීත්වා ස්වස්‍ය නිකටේ ස්ථාපයිත්වා තාන් ජගාද,
ⅩⅬⅧ යෝ ජනෝ මම නාම්නාස්‍ය බාලාස්‍යාතිථ්‍යං විදධාති ස මමාතිථ්‍යං විදධාති, යශ්ච මමාතිථ්‍යං විදධාති ස මම ප්‍රේරකස්‍යාතිථ්‍යං විදධාති, යුෂ්මාකං මධ්‍යේයඃ ස්වං සර්ව්වස්මාත් ක්‍ෂුද්‍රං ජානීතේ ස ඒව ශ්‍රේෂ්ඨෝ භවිෂ්‍යති|
ⅩⅬⅨ අපරඤ්ච යෝහන් ව්‍යාජහාර හේ ප්‍රභේा තව නාම්නා භූතාන් ත්‍යාජයන්තං මානුෂම් ඒකං දෘෂ්ටවන්තෝ වයං, කින්ත්වස්මාකම් අපශ්චාද් ගාමිත්වාත් තං න්‍යෂේධාම්| තදානීං යීශුරුවාච,
Ⅼ තං මා නිෂේධත, යතෝ යෝ ජනෝස්මාකං න විපක්‍ෂඃ ස ඒවාස්මාකං සපක්‍ෂෝ භවති|
ⅬⅠ අනන්තරං තස්‍යාරෝහණසමය උපස්ථිතේ ස ස්ථිරචේතා යිරූශාලමං ප්‍රති යාත්‍රාං කර්ත්තුං නිශ්චිත්‍යාග්‍රේ දූතාන් ප්‍රේෂයාමාස|
ⅬⅡ තස්මාත් තේ ගත්වා තස්‍ය ප්‍රයෝජනීයද්‍රව්‍යාණි සංග්‍රහීතුං ශෝමිරෝණීයානාං ග්‍රාමං ප්‍රවිවිශුඃ|
ⅬⅢ කින්තු ස යිරූශාලමං නගරං යාති තතෝ හේතෝ ර්ලෝකාස්තස්‍යාතිථ්‍යං න චක්‍රුඃ|
ⅬⅣ අතඒව යාකූබ්‍යෝහනෞ තස්‍ය ශිෂ්‍යෞ තද් දෘෂ්ට්වා ජගදතුඃ, හේ ප්‍රභෝ ඒලියෝ යථා චකාර තථා වයමපි කිං ගගණාද් ආගන්තුම් ඒතාන් භස්මීකර්ත්තුඤ්ච වහ්නිමාඥාපයාමඃ? භවාන් කිමිච්ඡති?
ⅬⅤ කින්තු ස මුඛං පරාවර්ත්‍ය තාන් තර්ජයිත්වා ගදිතවාන් යුෂ්මාකං මනෝභාවඃ කඃ, ඉති යූයං න ජානීථ|
ⅬⅥ මනුජසුතෝ මනුජානාං ප්‍රාණාන් නාශයිතුං නාගච්ඡත්, කින්තු රක්‍ෂිතුම් ආගච්ඡත්| පශ්චාද් ඉතරග්‍රාමං තේ යයුඃ|
ⅬⅦ තදනන්තරං පථි ගමනකාලේ ජන ඒකස්තං බභාෂේ, හේ ප්‍රභෝ භවාන් යත්‍ර යාති භවතා සහාහමපි තත්‍ර යාස්‍යාමි|
ⅬⅧ තදානීං යීශුස්තමුවාච, ගෝමායූනාං ගර්ත්තා ආසතේ, විහායසීයවිහගාाනාං නීඩානි ච සන්ති, කින්තු මානවතනයස්‍ය ශිරඃ ස්ථාපයිතුං ස්ථානං නාස්ති|
ⅬⅨ තතඃ පරං ස ඉතරජනං ජගාද, ත්වං මම පශ්චාද් ඒහි; තතඃ ස උවාච, හේ ප්‍රභෝ පූර්ව්වං පිතරං ශ්මශානේ ස්ථාපයිතුං මාමාදිශතු|
ⅬⅩ තදා යීශුරුවාච, මෘතා මෘතාන් ශ්මශානේ ස්ථාපයන්තු කින්තු ත්වං ගත්වේශ්වරීයරාජ්‍යස්‍ය කථාං ප්‍රචාරය|
ⅬⅪ තතෝන්‍යඃ කථයාමාස, හේ ප්‍රභෝ මයාපි භවතඃ පශ්චාද් ගංස්‍යතේ, කින්තු පූර්ව්වං මම නිවේශනස්‍ය පරිජනානාම් අනුමතිං ග්‍රහීතුම් අහමාදිශ්‍යෛ භවතා|
ⅬⅫ තදානීං යීශුස්තං ප්‍රෝක්තවාන්, යෝ ජනෝ ලාඞ්ගලේ කරමර්පයිත්වා පශ්චාත් පශ්‍යති ස ඊශ්වරීයරාජ්‍යං නාර්හති|