1 ﭑ شَ نْندِ قَلَ وٌ بّ. ﭑ مُ وُلٍ قَلَمَ بَرِ مَ ﭑ قِندِشِ عَلَ شَ مِشِ سُفَندِشِ فبٍ نَن نَ. ﭑ سٌندٌنيِ نُن عَلَ شَشِلِ سّنِيّنشِ قَن قِندِشِ سٍيدٍيٍ نَن نَ، عَ نْندِ نَن عَ رَ 2 ﭑ بْحّ سُننُنشِ كِ قَنيِ، دَنيِ مُ نَشَن مَ، 3 ﭑ نفَشَكٍرٍنيِيٍ شَ قٍ رَ. شَ عَ سَ عٍ مَلِمَ نّ نُ، ﭑ تِنشِ عَ رَ ﭑ تَن يّتّ يَتِ شَ دَنكّ سْتْ، مُشُ نُن عَلَ شَ مِشِ سُفَندِشِ شَ قَتَن عٍ تَن مَ قٍ رَ، ﭑ بَرٍنيِيٍ مُشُ نُن نَشٍيٍ سِ كٍرٍن عَ رَ. 4 يُوِقِيٍ نَن نَ عٍ رَ، عَلَ نَشٍيٍ سُفَندِ عٍ شَ قِندِ عَ شَ دِيٍ رَ، عَ نَشَ عَ شَ نْرّ مَسٍن عٍ بّ. عَلَ سَاتّيٍ نُن لَايِدِيٍ تٌنفٌ عٍ تَن نَن بّ، عَ عَ شَ سّرِيّ نُن عَ بَتُ كِ قِ عٍ مَ. 5 عٍ تَن نَن بْنسْي بٍنبَيٍ نَ كِتَابُييٍ كُي، عَلَ شَ مِشِ سُفَندِشِ قَن كٍلِشِ عٍ تَن نَن بْنسْي تَفِ عَ قَتٍ بّندّ كِ مَ. تَنتُي نُن بَتُي شَ رَ سِفَ عَلَ مَ عَبَدَن، عَ تَن نَشَن نَ بِرِن شُن مَ. عَمِنَ.

6 كْنْ عَ مُ لُشِ شّ عَلْ عَلَ شَ لَايِدِ كَنَشِ نّ. بَرِ مَ نَشٍيٍ كٍلِ عِسِرَيِلَ بْنسْي، عٍ بِرِن شَ مُ قِندِ عِسِرَيِلَ دِيٍ يَتِ رَ. 7 عٍ تٌ بَرِشِ عِبُرَهِمَ بْنسْي، نَ مُ عَ قَلَشِ شّ دٍ عَ عٍ بِرِن نَن قِندِشِ عَ شَ دِيٍ يَتِ رَ، بَرِ مَ عَلَ عَ مَسٍن نّ عِبُرَهِمَ بّ، «عِسِيَفَ نَن قَمَ قِندِدٍ عِ بْنسْي رَ ﭑ نَشَن لَايِدِ عِ بّ.» 8 يِ عَ مَسٍنشِ نّ، عَ دِ نَشٍيٍ بَرِ عِبُرَهِمَ بّ عَ قَتٍ بّندّ كِ مَ، نٍيٍ شَ مُ قِندِشِ عَلَ شَ دِيٍ رَ. كْنْ دِ نَشٍيٍ بَرِ عَلَ شَ لَايِدِ سَابُي رَ، نٍيٍ نَن قِندِ عِبُرَهِمَ بْنسْي رَ عَلَ يَ عِ. 9 بَرِ مَ عَلَ يِ نَن لَايِدِ عِبُرَهِمَ بّ، «ﭑ فبِلٍنمَ تَمُنَ يِ تّمُي حْندْن، ﭑ عَ لِمَ سَرَ بَرَ دِ شّمّ سْتْ.»

10 نَ فبَنسَن قَن مُ عَ رَ. وٌن بٍنبَ عِسِيَفَ نَن قِندِشِ رٍبٍكَ شَ دِ قِرِن بِرِن بَبَ رَ. 11 كْنْ بٍينُن فُلِيٍ شَ بَرِ عٍ شَ قٍ قَنيِ شَ نَ مُ قٍ حَاشِ ندٍ رَبَ، عَلَ نَشَ دِ كٍرٍن سُفَندِ عٍ قِرِن تَفِ عَلَكٌ عَ سَفٌي شَ رَبَ. 12 يِ دِ مُ سُفَندِ كّوَلِيٍ يٌ شَ قٍ رَ. نَ سُفَندِ قِندِشِ عَلَ شَ شِلِ نَن نَ. نَ كُي، عَلَ نَشَ عَ مَسٍن رٍبٍكَ بّ، «قٌرِ نَن لُمَ عَ شُنيَ شَ نْي بُن مَ.» 13 عَلْ عَ سّبّشِ كِتَابُي كُي كِ نَشّ، «ﭑ بَرَ يَشُبَ شَنُ، كْنْ ﭑ بَرَ مّي عٍسَيُ تَن نَ.»

14 وٌن قَ نَ مَ دِ؟ وٌن شَ عَ قَلَ عَ عَلَ مُ تِنشِن؟ عَستْقُلَهِ! 15 عَلَ عَ مَسٍن نّ مُنسَ بّ، «ﭑ هِننّمَ مِشِ نَن نَ ﭑ نَ وَ هِننّقٍ نَشَن نَ. ﭑ كِنِكِنِمَ مِشِ نَن مَ ﭑ نَ وَ كِنِكِنِقٍ نَشَن مَ.» 16 نَ كُي، عَلَ شَ سُفَندِ مُ كٍلِمَ مِشِ وَشْنقٍ شَ مَ، شَ نَ مُ مِشِ شَ كَتّ مَ. عَ كٍلِمَ عَلَ شَ هِننّ نّ. 17 عَ سّبّشِ كِتَابُي كُي، عَلَ نَشَ عَ قَلَ قِرَوُنَ بّ، «ﭑ عِ رَكٍلِشِ نّ، ﭑ مَنفّيَ قِ عِ مَ، عَلَكٌ ﭑ شَ ﭑ سّنبّ مَسٍن عِ سَابُي رَ، دُنِحَ بِرِن شَ ﭑ شِلِ كٌلٌن.» 18 نَ كُي، عَ هِننّمَ مِشِ رَ عَ نَ وَ هِننّقٍ نَشَن يٌ رَ، عَ مَن مِشِ سٌندٌنيِ رَشْرْشْمَ عَ نَ وَ نَشَن سٌندٌنيِ رَشْرْشْقٍ.

19 ندٍ نْمَ عَ قَلَدٍ ﭑ بّ، «عَلَ قَ كٌتٍ سَمَ مِشِ شُن مَ مُنقٍ رَ؟ مِشِ نْمَ تٌندِدٍ عَ شَ مَرَفِرِ رَ يِرٍ؟» 20 كْنْ عِ تَن عَدَ مَدِ قِندِشِ ندٍ رَ عِ تٌ قَ عَلَ مَتَندِ مَ؟ قّحّ يَءِلَنشِ شَ عَ قَلَ عَ يَءِلَنمَ بّ، «مُنقٍ رَ عِ ﭑ يَءِلَنشِ يِ كِ؟» 21 عَ دِ، قّحّ يَءِلَنيِ نَ قّحّ قِرِن يَءِلَن بّندّ كٍرٍن نَ، عَ مُ نْمَ قّحّ كٍرٍن يَءِلَندٍ وَلِ ندٍ شَ قٍ رَ نَشَن تِدٍ فبٌ، عَ بٌورٍ قَن يَءِلَن وَلِ ندٍ شَ قٍ رَ نَشَن تِدٍ مُ فبٌ؟ 22 شَ عَ سَ لِ عَلَ وَ مَ عَ شَ شْنّ نُن عَ سّنبّ مَسٍنقٍ، عَ مُ نْمَ نَ رَبَدٍ شّ؟ كْنْ عَ شَ سَبَرِ شُنفبٍ كُي، عَلَ دِحّشِ مِشِيٍ مَ عَ شْنْشِ نَشٍيٍ مَ، فبَلٌي رَفَتَشِ نَشٍيٍ بّ. 23 عَ يِ رَبَشِ نّ عَلَكٌ عَ شَ عَ شَ نْرّ مَكَابَشِ مَسٍن عَ تٌ هِننّمَ مِشِيٍ رَ، عَ نُ بَرَ نَشٍيٍ سُفَندِ كَبِ عَ قْلّ، عٍ شَ نْرّ سْتْ. 24 وٌن تَن نَن قِندِشِ نَ مِشِيٍ رَ عَ بَرَ نَشٍيٍ شِلِ كٍلِ سِ بِرِن كُي. يُوِقِيٍ فبَنسَن مُ عَ رَ. 25 عَ عَ مَسٍنشِ عَننَبِ هٌسٍ شَ كِتَابُي كُي،

27 عَننَبِ عٍسَيِ قَن عَ شُي عِتٍ نّ عَ تٌ نُ كَوَندِ تِمَ عِسِرَيِلَ شَ قٍ رَ،

30 وٌن قَ نَ مَ دِ؟ سِ فبّتّ نَشٍيٍ مُ نُ كَتَمَ عٍ شَ تِنشِنيِ سْتْ عَلَ يَ عِ، عٍ تَن بَرَ قَ عَ سْتْ دَنشَنِيَ سَابُي رَ، 31 كْنْ عِسِرَيِلَ حَمَ نَشَن نُ كَتَمَ عٍ شَ سّرِيّ رَبَتُ عَلَكٌ عٍ شَ تِنشِنيِ سْتْ عَلَ يَ عِ، عٍ تَن مُ نْ نَ سّرِيّ رَبَتُدٍ. 32 مُنقٍ رَ؟ بَرِ مَ عٍ مُ بِرَ تِنشِنيِ قْشْ رَ دَنشَنِيَ سَابُي رَ، عٍ حْشْ عَ مَ عَ عٍ نْمَ عَ سْتْدٍ عٍ شَ كّوَلِيٍ سَابُي رَ. عٍ بَرَ عٍ سَنيِ رَدِن فّمّ رَ نَشَن شِلِ قَلَمَ، «مِشِ رَبِرَ فّمّ». 33 عَلْ عَ سّبّشِ كِتَابُي كُي كِ نَشّ،